IND Vs ENG 2nd T20I: இந்தியா - இங்கிலாந்து 2வது டி20; மைதானம், நேரம் மற்றும் நேரலை விவரம் இதோ..!
இந்தியா மற்றும் இங்கிலாந்து அணிகள் மோதும் 2வது டி20 போட்டி நடைபெறும் இடம், நேரம் மற்றும் நேரலை விவரங்களை இப்பதிவில் காண்போம்.
ஜனவரி 24, சேப்பாக் (Sports News): இந்தியாவில் சுற்றுப்பயணம் மேற்கொண்டுள்ள இங்கிலாந்து அணி 5 போட்டிகள் கொண்ட டி20 தொடரிலும், 3 போட்டிகள் கொண்ட ஒருநாள் தொடரிலும் விளையாடி வருகிறது. இந்நிலையில், ஜனவரி 22ஆம் தேதி கொல்கத்தாவின் ஈடன் கார்டன் (Eden Gardens) மைதானத்தில் நடைபெற்ற இங்கிலாந்துக்கு எதிராக முதல் டி20 (IND Vs ENG) போட்டியில், இந்தியா அணி 7 விக்கெட் வித்தியாசத்தில் இங்கிலாந்தை வீழ்த்தியது. 5 போட்டிகள் கொண்ட தொடரில் 1-0 என முன்னிலை பெற்றது. இதில், முதலில் பேட்டிங் செய்த இங்கிலாந்து அணி 20 ஓவர்களில் 132 ரன்களுக்கு ஆல் அவுட்டானது. பின்னர், இலக்கை துரத்தி விளையாடிய இந்திய அணி 12.5 ஓவர்களில் 3 விக்கெட்டுகளை மட்டுமே இழந்து அபார வெற்றி பெற்றது. Hardik Pandya: ஆல் ரவுண்டர் ஹர்திக் பாண்டியா புதிய சாதனை.. பந்துவீச்சில் அபாரம்..!
நேரம் மற்றும் நேரலை விவரம்:
இந்நிலையில், இரண்டாவது டி20 போட்டி சென்னையில் சேப்பாக் மைதானத்தில் நாளை (ஜனவரி 25) நடைபெறவுள்ளது. சென்னையில் கிரிக்கெட் ரசிகர்கள் கூட்டம் அலைமோதும் என்று எதிர்பார்க்கப்படுகிறது. இந்த டி20 தொடரின் அனைத்து போட்டிகளும் இந்திய நேரப்படி இரவு 7 மணிக்கு தொடங்கும். இந்தியா - இங்கிலாந்து தொடரின் அனைத்து போட்டிகளும் ஸ்டார் ஸ்போர்ட்ஸ் சேனல், இந்தியாவில் நேரலையில் ஒளிபரப்பு (India vs England Live Match) செய்கிறது. ஆன்லைனில் டிஸ்னி+ஹாட் ஸ்டாரில் நேரலையில் பார்க்கலாம்.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)