Gold Rate Today: தாறுமாறாக உயரும் தங்கம் விலை.. உச்சக்கட்டத்தில் வெள்ளி விலை.. இன்றைய விலை நிலவரம் இதோ.!

ஜூலை 30, சென்னை (Gold Price Today): தங்கத்தின் விலையானது சர்வதேச சந்தை வர்த்தகத்தின் அடிப்படையில் ஒவ்வொரு நாளும் நிர்ணயம் செய்யப்படுகிறது. கடந்த 10 ஆண்டுகளுக்கு முன் வரை ரூ.30,000 முதல் ரூ.40,000 வரை விற்பனை செய்யப்பட்ட தங்கத்தின் விலை, கடந்தாண்டு தொடங்கி ரூ.55,000ஐ கடந்து விற்பனை செய்யப்பட்டு வருகிறது. ரஷ்யா - உக்ரைன் போர், மத்திய கிழக்கு நாடுகளில் ஏற்பட்டுள்ள பதற்றம் மற்றும் தங்கத்தில் முதலீடு செய்யும் மக்களின் எண்ணிக்கை அதிகரித்தல் போன்ற காரணங்களால் தங்கத்தின் விலையானது நாளுக்கு நாள் அதிகரித்துக் கொண்டே செல்கிறது. அதன்படி கடந்த வாரத்தில் தங்கத்தின் விலையானது சவரனுக்கு ரூ.75,000ஐ கடந்து இருந்தது.

நாளுக்குநாள் உயரும் தங்கம், வெள்ளி விலை :

தங்கம் மீதான நுகர்வு, அதன் உற்பத்தி உட்பட பல காரணங்களால் தங்கத்தின் விலை ஒவ்வொரு நாளும் லண்டனில் நிர்ணயம் செய்யப்படுகிறது. இந்தியாவின் பங்குச்சந்தை நிலவரத்தை பொறுத்து தங்கத்தின் விலை தினமும் மாற்றமடையும். அதன்படி ஜூலை மாதத்தில் தொடக்கத்திலிருந்து தங்கம் மற்றும் வெள்ளி விலை ஏற்ற இறக்கத்துடன் இருந்து வருகிறது. கடந்த வாரம் திடீரென ஆபரணத்தங்கம் ரூ.75,000ஐ கடந்து மக்களை அதிர்ச்சிக்குள்ளாக்கியது. தங்கத்திற்கு ஈடாக வெள்ளியின் விலையும் நாளுக்குநாள் உயர்ந்து வருகிறது. இந்த நிலையில் ஜூலை 30ஆம் தேதியான இன்று புதன்கிழமை தங்கத்தின் விலையானது அதிரடியாக உயர்ந்துள்ளது. Chennai News: காதல் தகராறில் கல்லூரி மாணவர் கார் ஏற்றி கொலை.. திமுக கவுன்சிலரின் பேரன் கைது.! 

இன்று தங்கம் விலை (Today Gold Rate in Chennai) & இன்று வெள்ளி விலை (Silver Price in Chennai):

இன்று (ஜூலை 30) 22 காரட் தங்கத்தின் (Gold) விலை கிராமுக்கு ரூ.60 உயர்ந்து, கிராம் தங்கம் ரூ.9,210க்கு விற்கப்படுகிறது. சவரனுக்கு ரூ.480 உயர்ந்து, ஒரு சவரன் ரூ.73,680க்கு விற்பனை செய்யப்படுகிறது. வெள்ளியின் (Silver) விலையை பொறுத்தவரையில் ரூ.1000 உயர்ந்து ஒரு கிலோ வெள்ளி ரூ.1,27,000 க்கு விற்பனையாகிறது. கடந்த வாரம் புதன்கிழமை தங்கத்தின் விலையானது ரூ.75,000ஐ கடந்து மக்களை அதிர்ச்சிக்குள்ளாக்கிய நிலையில் இந்த வாரம் புதன்கிழமைக்குள் சற்று சரிந்து மீண்டும் ராக்கெட் வேகத்தில் உயர்ந்து வருகிறது.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)