Gold Silver Price: தங்கம் விலை சவரனுக்கு ரூ.1,560 உயர்வு.. ரூ.74,000 ஐ கடந்து புதிய உச்சம்.!
சென்னையில் ஆபரணத்தங்கம் (Gold Rate Today) ஒரே நாளில் ரூ.1,560 உயர்ந்து ரூ.74,000 ஐ கடந்துள்ளது. அதே போல ஒரு கிலோ வெள்ளி (Silver Rate) ரூ.1000 உயர்ந்து ரூ.1,20,000 க்கு விற்பனையாகிறது.
ஜூன் 13, சென்னை (Gold Price Today): ரஷ்யா-உக்ரைன் போர், மத்திய கிழக்கு நாடுகளில் ஏற்பட்டுள்ள பதற்றம், அதிகமாக தங்கத்தை வாங்கிக்குவிக்கும் நாடுகள், தங்கத்தில் முதலீடு (Gold Investment) செய்யும் மக்கள் என பல காரணத்தால் தங்கத்தின் விலை ஒவ்வொரு நாளும் விண்ணைமுட்டும் அளவு உயர்ந்து வருகிறது. கடந்த 10 ஆண்டுகளுக்கு முன்பு வரை ரூ.30,000 முதல் ரூ.40,000 வரை விற்பனை செய்யப்பட்ட தங்கத்தின் விலை (Gold Price) இன்று சவரனுக்கு ரூ.74,000ஐ கடந்திருந்தது. வானிலை: அடுத்த 7 நாட்களுக்கு கனமழை எச்சரிக்கை.. மக்களே உஷார்.!
ரூ.74,000 ஐ கடந்த தங்கத்தின் விலை (Gold Rate Today):
சவரன் தங்கம் விலை அதன் உற்பத்தி, நுகர்வு உட்பட பல விஷயங்களை அடிப்படையாக கொண்டு தினமும் லண்டனில் நிர்ணயம் செய்யப்படுகிறது. இந்தியாவில் தங்கத்தின் விலை பங்குச்சந்தை நிலவரத்தை பொருத்தும் தினமும் மாற்றமடையும். கடந்த ஒரு வாரமாக தங்கத்தின் விலையானது ஏற்ற இறக்கத்துடன் இருந்து வரும் நிலையில், இன்று (ஜூன் 13) ஒரே நாளில் ரூ.1,560 உயர்ந்து ரூ.74,000 ஐ கடந்துள்ளது. நேற்றைய தினம் (ஜூன் 12) தங்கத்தின் விலையானது ஒரு சவரன் ரூ.72,800 க்கு விற்பனையானது.
தங்கம் விலை இன்று (Today Gold Rate in Chennai) & வெள்ளி விலை இன்று (Silver Price in Chennai):
இந்நிலையில், இன்று (ஜூன் 13) தங்கத்தின் விலை (Gold Rate) உயர்ந்துள்ளது. சென்னையில் விற்பனை செய்யப்படும் ஆபரண தங்கத்தின் விலை சவரனுக்கு ரூ.1,560 உயர்ந்து, சவரன் தங்கத்தின் விலை ரூ.74,360 க்கு விற்பனை செய்யப்படுகிறது. கிராம் தங்கத்தின் விலை ரூ.195 உயர்ந்து கிராம் தங்கம் இன்று ரூ.9,295 க்கு விற்பனை செய்யப்படுகிறது. வெள்ளி விலை இன்று கிராமுக்கு ரூ.1 உயர்ந்து ஒரு கிராம் ரூ.120 க்கும், ஒரு கிலோ வெள்ளி ரூ.1,20,000 க்கு விற்பனை செய்யப்படுகிறது.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)