Fengal Cyclone: ஃபெங்கால் புயல் 'Fengal Puyal' எதிரொலி; கடலூர், நாகை உட்பட 9 துறைமுகங்களில் 3ம் எண் எச்சரிக்கை கூண்டு ஏற்றம்.!
தமிழகத்தை நோக்கி அதிவேகமாக வரும் புயலின் காரணமாக, துறைமுக பகுதிகளில் எச்சரிக்கை கொண்டு ஏற்றப்பட்டுள்ளது.
நவம்பர் 27, கடலூர் (Cuddalore News): தென்மேற்கு வங்கக்கடல் பகுதியில் உருவான காற்றழுத்த தாழ்வு நிலை, கடந்த 6 மணி நேரத்தில் மணிக்கு 12 கிமீ வேகத்தில் வடக்கு-வடமேற்கு திசையில் நகர்ந்து, நவ.26, 2024 இன்று காலை 08.30 மணியளவில், ஆழ்ந்த காற்றழுத்த தாழ்வு மண்டலமாக வலுப்பெற்றுள்ளது. இந்த ஆழ்ந்த காற்றழுத்த தாழ்வு மண்டலம், கடந்த 6 மணி நேரத்தில் மணிக்கு 12 கி.மீ வேகத்தில் வடக்கு – வடமேற்கு நோக்கி நகர்ந்து வருகிறது என வானிலை (Weather) ஆய்வு மையம் தெரிவித்துள்ளது.
ஃபெங்கால் புயல்:
தற்போதைய நிலையில் ஆழ்ந்த காற்றழுத்த தாழ்வு மண்டலம் நாகையில் இருந்து தெற்கே-தென்கிழக்கே 590 கிமீ தொலைவிலும், புதுச்சேரியிலிருந்து 710 கிமீ தெற்கே-தென்கிழக்கே தொலைவிலும், சென்னைக்கு தென்-தென்கிழக்கே 800 கி.மீ தொலைவிலும் நிலை கொண்டுள்ளது. இது தொடர்ந்து வடக்கு-வடமேற்கு திசையில் நகர்ந்து, மேலும் தீவிரமடைந்து நவம்பர் 27-ம் தேதி புயலாக மாறும். இந்த புயலுக்கு ஃபெங்கால் (Fengal Puyal) என பெயரிடப்பட்டுள்ளது. இப்புயலுக்கான (Fengal Cyclone) பெயரை சவூதி அரேபியா சூட்டி இருக்கிறது. Tamil Nadu CM Stalin: ஃபெங்கால் புயல் எதிரொலி.. முதல்வர் ஸ்டாலின் அவசர ஆலோசனை..!
புயல் எச்சரிக்கை கூண்டு (Warning Flags in Harbors):
இந்நிலையில், சென்னை, கடலூர், நாகப்பட்டினம், புதுச்சேரி உட்பட 9 துறைமுகங்களில், 3ம் எண் புயல் எச்சரிக்கை கூண்டுகள் ஏற்றப்பட்டுள்ளன. 3ம் எண் புயல் எச்சரிக்கை கூண்டுகள் திடீர் காற்றுடன் பெய்யும் மழையால் துறைமுகம் மற்றும் அதனை சுற்றியுள்ள பகுதிகளுக்கு அச்சுறுத்தல் உண்டாகும் நிலையை உணர்த்தும் நடவடிக்கையை உணர்த்த ஏற்றப்படுகிறது.
தேசிய மீட்புப்படை விரைவு:
முன்னெச்சரிக்கை நடவடிக்கையாக நாகப்பட்டினம் மாவட்டத்திற்கு 30 பேர் கொண்ட தேசிய மீட்புப்படை குழுவினர் மீட்புப்பணிகளுக்காக அனுப்பி வைக்கப்பட்டுள்ளனர். மேலும், வங்கக்கடலில் நிலைகொண்டுள்ள காற்றழுத்த தாழ்வு மண்டலம், இரவு சுமார் 08:30 மணியளவில் புயலாக வலுப்பெறும் எனவும் எதிர்பார்க்கப்படுகிறது. இதனால் வங்கக்கடலோரம் கடல் சீற்றத்துடன் காணப்படுகிறது.
புயலின் நகர்வுகளை துல்லியமாக Windy.com ல் காணுங்கள்..
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)