Gold Rate Hike: ரூ.1 லட்சத்தை நோக்கி தங்கம்.. 5 ஆண்டுகளில் 151% விலை உயர்வு.. நிபுணர்கள் கூறுவது என்ன?
Gold Price Hike: தங்கத்தின் விலையானது 5 ஆண்டுகளில் 151% உயர்வை சந்தித்துள்ளது. அக்டோபர் மாதத்தில் 1 கிராம் ரூ.12,200 க்கும், ஒரு சவரன் ரூ.97,600 க்கும் விற்பனையாகிறது. 2025 ஏப்ரலுடன் ஒப்பிடும்போது கடந்த 6 மாதத்தில் 36% தங்கத்தின் விலை உயர்ந்துள்ளது.
அக்டோபர் 17, சென்னை (Chennai News): சர்வதேச அளவில் நீடிக்கும் போர், பங்குச்சந்தையில் தங்கம், வெள்ளி மீதான முதலீடுகள், தங்கம்-வெள்ளியின் தினசரி உற்பத்தி மற்றும் விற்பனை எதிர்பார்ப்பு நிலவரம் உட்பட பல்வேறு காரணிகள் கொண்டு ஒவ்வொரு நாளும் தங்கம்-வெள்ளியின் விலை (Gold Silver Rate Today) நிர்ணயம் செய்யப்படுகிறது. அந்த வகையில், கடந்த 10 ஆண்டுகளுக்கு முன்பு வரை தங்கம், வெள்ளி விலை என்பது கணிசமான தொகை குறைந்து இருந்தது. ஆனால் தங்கமும், வெள்ளியும் 2025ல் போட்டிபோட்டு உயர்ந்து வருகிறது. கடந்த 10 ஆண்டுகளுக்கு முன்னதாக தங்கம் விலை சென்னையில் சவரனுக்கு ரூ.30,000 வரை விற்பனை செய்யப்பட்டது. ஆனால், தற்போது ஒரு சவரன் தங்கம் விலை ரூ.95 ஆயிரத்தை கடந்துள்ளது. வெள்ளியின் விலையும் கிலோவுக்கு ரூ.25,000 என்ற மதிப்பில் இருந்து தற்போது ரூ.2,00,000 என்ற விலை உச்சத்தை சந்தித்துள்ளது. Gold Silver Rate: ரூ.12,000ஐ கடந்தது ஒரு கிராம் தங்கம்.. ரூ.1 லட்சத்தை நெருங்கும் சவரன்.. நகைப்பிரியர்களுக்கு ஷாக்.!
தங்கம்-வெள்ளி விலை உயர காரணம் என்ன(Gold Rate Hike Reason)?
நாடுகள் அளவில் சீனா அளவுக்கு அதிகமாக தங்கத்தை வாங்கி குவிக்கிறது. இதனால் தங்கத்தின் மீதான எதிர்பார்ப்பு அதன் தினசரி உற்பத்தியை தாண்டி இருப்பதால், தங்கத்தின் விலை அதிகரித்து வருகிறது. அதே நேரத்தில், வெள்ளி பொருட்களை மின்சார பொருட்கள் உற்பத்தி செய்யும் நிறுவனங்கள் அதிகம் பயன்படுத்துகின்றன. சமீபகாலமாக எலக்ட்ரிக் ஸ்கூட்டர், எலக்ட்ரிக் கார் என மின்சாதன பொருட்களின் உற்பத்தி புதிய அத்தியாயத்தில் பயணம் செய்து வருகிறது. இதனால் வெள்ளியின் தேவையில் தினமும் கிடைக்கும் அளவில் பாதிக்கும் மேல் நிறுவனங்கள் பயன்படுத்துகின்றன. கொள்முதல் அதிகமானதால் வெள்ளியின் விலையும் கணிசமாக உயர்ந்துள்ளது.
5 ஆண்டுகளில் தங்கம் விலை:
தங்கத்தின் விலையானது 5 ஆண்டுகளில் பல மடங்கு உயர்வை சந்தித்துள்ளது. 2021 ஆம் ஆண்டை பொறுத்தவரையில் ஒரு கிராம் தங்கம் ரூ.4,866 க்கும், ஒரு சவரன் ரூ.38,928 க்கும் விற்பனையானது. 2022 ஐ பொறுத்தவரையில் ஒரு கிராம் தங்கம் ரூ.5,195 க்கும், ஒரு சவரன் ரூ.41,560 க்கும் விற்பனையானது. 2023-ல் ஒரு கிராம் தங்கம் ரூ.6,059 க்கும், ஒரு சவரன் ரூ.48,472 க்கும் விற்பனையானது. 2024-ல் ஒரு கிராம் தங்கம் ரூ.7,240 க்கும், ஒரு சவரன் ரூ.57,920 க்கும் விற்பனையானது. தொடர்ந்து 2025 ஏப்ரல் மாதத்தில் ஒரு கிராம் தங்கம் ரூ.8,980 க்கும், ஒரு சவரன் ரூ.71,840 க்கும் விற்பனையானது. இந்த நிலையில் அக்டோபர் மாதத்தில் 1 கிராம் ரூ.12,200 க்கும், ஒரு சவரன் ரூ.97,600 க்கும் விற்பனையாகிறது. Diwali 2025: தீபாவளி 2025 எப்போது? நல்ல நேரம், வழிபாடு முறை.. செல்வம் பெருகும் லட்சுமி-குபேர பூஜைக்கு சிறந்த நேரம்.!
தங்கம் எதிர்கால கணிப்பு(Gold Price Prediction):
கடந்த 5 ஆண்டுகளில் மட்டும் சவரன் தங்கம் 151% உயர்ந்துள்ளது. 2025 ஏப்ரலுடன் ஒப்பிடும்போது கடந்த 6 மாதத்தில் 36% தங்கத்தின் விலை உயர்ந்துள்ளது. இது தொடர்பாக பொருளாதார நிபுணர்கள் தெரிவிக்கையில், உலகளாவிய பங்குசந்தையில் தங்கம், வெள்ளி மீதான முதலீடுகள் தொடர்ந்து அதிகரித்து வருவதால் தங்கம் விலை அதிகரித்துள்ளது. தொடர் விலை உயர்வால் மக்கள் அச்சத்திலும் தங்கத்தை வாங்கி குவிக்கின்றனர். தங்கம் வாங்கும் நபர்களின் எண்ணிக்கை அதிகமாகும் பட்சத்தில் நகைகளின் விலையும் அதிகரிப்பதாக தெரிவிக்கின்றனர். மேலும் 2025 இறுதிக்குள் ஒரு சவரன் தங்கத்தின் விலையானது ரூ.1,00,000 முதல் ரூ.1,25,000 வரை விற்பனையாகும் எனவும் தெரிவிக்கப்பட்டுள்ளது.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)