Namakkal Accident: தனியார் பேருந்து - லாரி நேருக்கு நேர் மோதி பயங்கரம்.. 3 பேர் பலி.. நாமக்கல்லில் சோகம்.!
ஆத்தூரில் இருந்து ராசிபுரம் நோக்கி பயணம் செய்த தனியார் பேருந்து, லாரி மீது மோதி பயங்கர விபத்தில் சிக்கியது. இந்த விபத்தில் 3 பேர் பரிதாபமாக உயிரிழந்தனர்.

நவம்பர் 23, நாமகிரிப்பேட்டை (Namakkal News): நாமக்கல் மாவட்டத்தில் உள்ள ஆத்தூரில் இருந்து ராசிபுரம் நோக்கி தனியாருக்கு சொந்தமான சக்திவேல் என்ற பேருந்து ஒன்று நேற்று பயணம் செய்தது. இந்த பேருந்து நாமகிரிப்பேட்டை, மெட்டாலா கோரை ஆறு பகுதியில் வந்தபோது, திடீரென டயர் வெடித்ததாக தெரியவருகிறது.
3 பேர் பலி:
இதனால் ஓட்டுனரின் கட்டுப்பாட்டை இழந்த பேருந்து, எதிர்திசையில் வந்த லாரியுடன் நேருக்கு நேர் மோதி பயங்கர விபத்தில் சிக்கியது. இந்த விபத்தில் லாரி ஓட்டுநர், பேருந்து ஓட்டுநர், ஒரு பெண் பயணி என 3 பேர் உடல் நசுங்கி பரிதாபமாக உயிரிழந்தனர். மேலும், 10 க்கும் மேற்பட்டோர் படுகாயமடைந்து உயிருக்கு துடிதுடித்தனர். வானிலை: காலை 10 மணிவரையில் 5 மாவட்டங்களில் மழை.. விபரம் உள்ளே.!
மீட்பு பணிகள்:
விபத்து குறித்து தகவல் அறிந்து வந்த காவல்துறையினர் மற்றும் மீட்புப் படையினர், ஜேசிபி உதவியுடன் இரண்டு வாகனத்தையும் பிரித்து விபத்தில் பலியானவர்களின் உடலை மீட்டனர். மேலும், காயமடைந்தவர்களை மீட்டு மருத்துவமனைக்கு அனுப்பி வைத்தனர்.
முன்பகுதி நொறுங்கியது:
பேருந்தின் முன்பகுதி முற்றிலும் சேதமடைந்த நிலையில், இரண்டு வாகன ஓட்டுனர்கள் மற்றும் பெண் பயணி என 3 பேர் உயிரிழந்தனர். விபத்து குறித்து தகவல் அறிந்த நாமக்கல் மாவட்ட ஆட்சியர் உமாவும் நிகழ்விடத்திற்கு விரைந்து இருந்தார். விபத்தில் உயிரிழந்தோரின் விபரங்கள் சேகரிக்கப்பட்டு வருகிறது.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)