Cool Suresh (Photo Credit: YouTube)

செப்டம்பர் 05, சென்னை (Cinema News): நடிகர் விஜய் (Thalapathy Vijay) தமிழ் சினிமாவில் முன்னணி நடிகராக திகழ்ந்து வருகிறார். இவர் நடிப்பில் கடைசியாக வெளியான லியோ படம் 600 கோடிக்கு மேல் வசூல் செய்து மிகப் பெரிய சாதனை படைத்தது. தொடர்ந்து தளபதி விஜய் டபுள் ஆக்‌ஷனில் மிரட்டியுள்ள 'தி கிரேட்டஸ்ட் ஆஃப் ஆல் டைம்' (The Greatest of All Time) படம் செப்டம்பர் 5ம் தேதி இன்று திரையரங்குகளில் வெளியானது. இப்படத்தில் மீனாட்சி சவுத்ரி நாயகியாக நடித்துள்ளார். மேலும் பிரசாந்த், மோகன், பிரபுதேவா, சினேகா, லைலா, ஜெயராம் உள்ளிட்டோர் முக்கிய கதாபாத்திரங்களில் நடித்துள்ளனர்.

தி கோட்: இந்தப் படத்தில் புதுமையாக டி ஏஜிங் லுக் தொழில்நுட்பத்தை கையாண்டிருக்கிறார்கள். அதன்படி விஜய்யை ரொம்பவே இள வயதில் காண்பித்திருக்கிறார்கள். மேலும், சர்ப்ரைஸ் கேமியோக்களும் இருப்பதாக தகவல்கள் வெளியாகி உள்ளன. இந்நிலையில் இந்த படத்தை பார்க்க வந்த கூல் சுரேஷ் (Actor Cool Suresh) வரும்போது ஒரு ஆட்டுடன் வந்தார். Bigg Boss Season 8 Tamil: "வந்தாச்சு புது பிக் பாஸ்".. அடடே யாருமே எதிர்பார்க்கலையே.. விஜய் சேதுபதி அசத்தல்..!

கூல் சுரேஷ்: அப்போது செய்தியாளர்களிடம் பேசிய கூல் சுரேஷ் கூறுகையில், “விஜய்யின் படத்தின் பெயர் ‘தி கோட்’ என வைக்கப்பட்டதால் ஆடுடன் படம் பார்க்க வந்தேன், யானையுடன் வரலாம் என நினைத்தேன் அனுமதி 1 மாதத்திற்கு முன்பே பெற வேண்டும் என நிபந்தனை உள்ளதால் கொண்டு வரவில்லை. CSK கட்சி சார்பாக தான் தவக கொடியை திரையரங்கில் பயன்படுத்தினேன், இன்று முதல் எனது பிரச்சாரம் தொடங்கி விட்டது. என் தலைவன் சிம்புவை வைத்து ‘மாநாடு’ என்ற படத்தை ஹிட் கொடுத்த வெங்கட் பிரபுக்கு நன்றி செலுத்த வந்துள்ளேன். ‘ஆடுங்கடா மச்சான் ஆடுங்கடா’ " என்ற பாடலை பாடி ரசிகர்களை உற்சாகப்படுத்தினார்.