Friday OTT Releases (Oct 25): இந்த வாரம் ஓடிடியில் வெளியாகும் திரைப்படங்கள் என்ன தெரியுமா? வாங்க தெரிஞ்சிக்கலாம்.!

அக்டோபர் 24, சென்னை (Cinema News): இந்த வாரம் ஓடிடி மற்றும் திரையரங்குகளுக்குப் பிறகு ஓடிடியில் ரிலீஸாகும் படங்கள் குறித்து பார்ப்போம். திரைப்பட ரசிகர்களை மகிழ்விக்கும் விதமாக ஒவ்வொரு வாரமும், வித்தியாசமான கதையம்சத்துடன் கூடிய படங்கள் வெளியாகி வரும் நிலையில், இந்த வாரம் ஹாலிவுட் முதல் கோலிவுட் வரை பல படங்கள் ரிலீஸ் ஆகின்றன. அவை எந்தெந்த படங்கள் என்பது குறித்து பார்க்கலாம்.

மெய்யழகன் (Meiyazhagan): கார்த்தி, அரவிந்த் சாமி, ஸ்ரீதிவ்யா, ராஜ்கிரண் உள்ளிட்ட பலர் நடித்துள்ள மெய்யழகன் படத்தை இயக்குநர் பிரேம் குமார் இயக்கியுள்ளார். இப்படத்தினை நடிகர் சூர்யா தனது '2 டி என்டர்டைன்மெண்ட்' நிறுவனத்தின் மூலம் தயாரிக்க, இசையமைப்பாளர் கோவிந்த வசந்தா இசையமைத்துள்ளார். திரையரங்குகளில் படத்துக்கு பாசிட்டிவ் விமர்சனங்கள் குவிந்துள்ள நிலையில், இப்படம் அக்டோபர் 25 அன்று நெட்ஃபிளிக்சில் வெளியாகும்.

ஹிட்லர் (Hitler): இயக்குனர் தனா இயக்கத்தில் விஜய் ஆன்டனி, ரியா சுமன் & கவுதம் மேனன் முன்னணி கதாபாத்திரத்தில் நடித்திருக்கும் அதிரடி திரைப்படம். இப்படத்தினை தயாரிப்பாளர் சஞ்சய் குமார் தயாரிக்க, இசையமைப்பாளர் விவேக் - மெர்வின் இசைக்குழு இப்படத்திற்கு இசையமைத்துள்ளது. இந்த படம் அக்டோபர் 25 அன்று பிரைமில் வெளியாகும். Tarzan Star Ron Ely Dies: டார்ஸான் புகழ் ஹாலிவுட் நடிகர் ரான் எலி மரணம்.. இரங்கல் தெரிவிக்கும் ரசிகர்கள்.!

கடைசி உலகப் போர் (Kadaisi Ulaga Por): ஹிப்ஹாப் ஆதி முதல் முறையாக 'ஹிப் ஹாப் தமிழா என்டர்டெயின்மென்ட்' சார்பில் எழுதி, இயக்கி, இசையமைத்துள்ள திரைப்படம் "கடைசி உலகப்போர்". மாறுபட்ட களத்தில், போரின் கொடுமைகளை பேசும் அழுத்தமிகு படைப்பாக கடைசி உலகப் போர் திரைப்படம் கடந்த திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்றது. இந்த படம் அக்டோபர் 24 அன்று பிரைமில் வெளியானது.

ஹெல்பௌண்ட் சீசன் 2 (Hellbound Season 2): 2021 இல் வெளியான மூன்று நாட்களுக்குப் பிறகு, ஹெல்பவுண்ட் சீசன் 1, 43.48 மில்லியன் பார்வையாளர்களைப் பதிவுசெய்தது. சோய் கியு-சியோக்கின் திரைக்கதையுடன், சீசன் 1 இன் முதல் எபிசோட் 46வது டொராண்டோ சர்வதேச திரைப்பட விழாவில் (TIFF) திரையிடப்பட்டது. அதன்பிறகு திரைப்பட விழாவில் இடம்பிடித்த முதல் கொரிய தொலைக்காட்சித் தொடராக மாறியது. ஹெல்பவுண்ட் சீசன் 2, இதற்கிடையில், அக்டோபர் 2024 இல் 29வது பூசன் சர்வதேச திரைப்பட விழாவில் திரையிடப்பட உள்ளது. இந்த தொடர் அக்டோபர் 25 அன்று நெட்ஃபிளிக்சில் வெளியாகும்.