Brother Trailer: "ஒரே ஒரு தம்பி வச்சுட்டு நான்படுற பாடு இருக்கே... அய்யோயோயோ..." ஜெயம் ரவியின் 'பிரதர்' படத்தின் ட்ரெய்லர் வெளியீடு.!

அக்டோபர் 29, சென்னை (Cinema News): ஜெயம் படத்தின் மூலம் தமிழ் சினிமாவிற்கு மாஸ் என்ட்ரி கொடுத்த ரவி, தனது அருமையான நடிப்பால் ஜெயம் ரவியாக (Jayam Ravi) உருவெடுத்தார். தொடர்ந்து தன் அண்ணனுடன் பல்வேறு படங்களில் இணைந்து பல ஹிட் படங்களை கொடுத்தார். கடந்த ஆண்டு வெளியான பிரம்மாண்ட படமான பொன்னியின் செல்வனில், பொன்னியின் செல்வனாக நடித்து அனைவரின் மனதையும் வென்றார். ஆனால் அதன் பின் வெளியான படம் எதுவும் அவருக்கு வெற்றியை கொடுக்கவில்லை. சொல்லப்போனால் நீண்ட காலமாக வெற்றி படத்தை கொடுக்காமல் உள்ளார்.

ஜெயம் ரவி விவாகரத்து: பூமி படத்தில் ஆரம்பித்த தோல்வி இறைவன், அகிலன், சைரன் என்று அவரை படுத்தி எடுத்து வருகிறது. பொன்னியின் செல்வன் என்னதான் வெற்றி படமாக இருந்தாலும், அதில் பல நடிகர்கள் நடித்ததினால், அவரின் தனிப்பட வெற்றியாக அது பார்க்கப்படுவதில்லை. இந்த நிலையில் ஜெயம் ரவியின் மனைவி ஆர்த்தி தனது இன்ஸ்டாகிராம் பக்கத்தில் ஜெயம் ரவியுடன் இணைந்து எடுத்த புகைப்படங்களை எல்லாம் டெலிட் செய்தார். தொடர்ந்து அவரும் அவரது மனைவியும் விவாகரத்து பெறப்போவதாகத் தகவல்கள் வெளியாகின. இதற்கிடையே ஜெயம்ரவி தன்னுடைய மனைவி ஆர்த்தியை விவாகரத்து செய்ய இருப்பதாக கூறி (Divorce) அறிக்கை வெளியிட்டு இருந்தார். IIFA Utsavam Awards 2024: தென்னிந்திய ஸ்டார்களின் ஐஃபா உற்சவம் 2024.. விருது நிகழ்ச்சியைக் காண வேண்டுமா? விவரம் உள்ளே.!

பிரதர்: மறுபக்கம் பிரதர் (Brother) என்ற படத்தில் ஜெயம் ரவி நடித்துள்ளார். ராஜேஷ் இயக்கத்தில் தயாராகி வரும் பிரதர் படத்தின் படப்பிடிப்பு முடிந்த நிலையில் படத்தின் இறுதிக்கட்ட பணிகள் நடந்து வருகின்றன. சரண்யா பொன்வண்ணன், பூமிகா சாவ்லா, பிரியங்கா மோகன், விடிவி.கணேஷ் உள்ளிட்டோர் முக்கிய கதாபாத்திரங்களில் நடித்துள்ளனர். இப்படத்தின் முதல் பாடல் மக்காமிஷி (Makkamishi) ஹாரிஷ் ஜெயராஜ் இசையில் வெளியாகி ரசிகர்களை வெகுவாக கவர்ந்தது. நகைச்சுவை மற்றும் குடும்ப பின்னணியில் எடுக்கப்பட்டிருக்கும் பிரதர் திரைப்படம் தீபாவளிக்கு (அக்.31) வெளியாக உள்ளது. இந்நிலையில் ‘பிரதர்’ (Brother) திரைப்படத்தின் ட்ரெய்லர் வெளியிடப்பட்டுள்ளது. திரைப்படத்திற்கு தணிக்கைக்குழு யு சான்றிதழ் வழங்கியுள்ளது.

ஜெயம் ரவியின் 'பிரதர்' படத்தின் ட்ரெய்லர் வெளியீடு:

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)

Show full article