QuickLY
Socially
டிசம்பர், 10: தமிழ் திரையுலகம் (Kollywood Cinema) இன்று உலகளவில் கவனிக்கப்படும் திரைஉலகமாக மாறிவிட்டது. கடந்த 1931ம் ஆண்டுக்கு பின் வெளியாகிய ஒவ்வொரு படமும் அன்று முதல் இன்று வரை பல சாதனைகள் படைத்து வருகின்றன. படத்தில் நடிக்கும் நாயகர்கள் - நாயகிகள் இந்திய அளவிலும், சர்வதேச அளவிலும் விருதுகளை பெறுகின்றனர்.
இவ்வாறாக நடிப்பில் ஒருவருக்கொருவர் போட்டி போட்டு நடிக்கும் ஜோடிகள், சில நேரங்களில் காதல் வயப்பட்டு விடுகின்றன. இதில், அஜித் - ஷாலினி, சூர்யா - ஜோதிகா, பிரசன்னா - ஸ்னேகா என பல நட்சத்திர ஜோடிகள் மகிழ்ச்சியாக வாழ்ந்து வருகின்றனர்.
ஆனால், தமிழ் திரையுலகில் முதன் முதலாக காதல் திருமணம் செய்துகொண்ட ஜோடி யார் என உங்களுக்கு தெரியுமா?. அந்த நட்சத்திர ஜோடி குறித்து இன்று காணலாம். Nose Bleeding: மூக்கில் இருந்து இரத்தம் வழிந்தால் என்ன செய்ய வேண்டும்?.. பதற்றத்திலும் நிதானம் வேண்டும்.!
தமிழ் திரையுலகில் திரைப்பட நடிகராகவும், பாடகராகவும், தயாரிப்பாளராகவும் என பன்முகம் கொண்ட நபராக இருந்தவர் பி.யூ. சின்னப்பா (P. U. Chinnappa). இவரின் மனைவி நடிகை சகுந்தலா (A.Sakunthala). சகுந்தலா பி.யூ சின்னப்பாவுடன் பிரித்விராஜன் திரைப்படத்தில் இணைந்து நடித்தபோது காதல் ஏற்பட்டுள்ளது.
இருவரும் பேசி பழகி காதல் வயப்பட்ட நிலையில், திருமணமும் செய்துகொண்டு அன்போடு வாழ்ந்து வந்தனர். ஆனால், பி.யூ சின்னப்பா தனது 30 வயதிலேயே இயற்கை எய்தினார். அவர் 1936 - 1951 வரை சொற்ப அலைவிலான படங்களே நடித்திருந்தாலும் சூப்பர்ஸ்டார் பட்டத்திற்கு அன்றே தகுதியானவராகி இருந்தார்.
