Building Collapse In Navi Mumbai (Photo Credit: @ANI X)

ஜூலை 27, நவி மும்பை (Maharashtra News): மகாராஷ்டிர மாநிலம், நவி மும்பையில் ஷாபாஸ் கிராமத்தில், இன்று அதிகாலை 5 மணியளவில் 4 மாடி கட்டிடம் (Building Collapse) இடிந்து விழுந்தது. கட்டிட இடிபாடுகளுக்குள் பலர் சிக்கி இருக்கலாம் என அஞ்சப்படுகிறது. இதுகுறித்த தகவலின்பேரில், சம்பவ இடத்திற்கு விரைந்த மீட்பு படையினர் தீவிரமாக மீட்பு பணிகளில் ஈடுபட்டு வருகின்றனர். Two People Died: ரயில் படிக்கட்டில் பயணித்த 2 பேர் தவறி விழுந்து உயிரிழப்பு..!

இந்த விபத்து சம்பவம் குறித்து நவி மும்பை தீயணைப்புதுறையின் துணை அதிகாரி ஒருவர் கூறுகையில், 'இன்று அதிகாலை 4.50 மணிக்கு கட்டிடம் இடிந்து விழுந்ததாக தகவல் கிடைத்தது. விபத்தில் 2 பேர் மீட்கப்பட்டுள்ளனர். இன்னும் ஒரு சிலர் உள்ளே சிக்கிக் கொண்டிருக்கலாம் எனத் தகவல் கிடைத்துள்ளது. அவர்களை விரைவில் மீட்பதற்கான பணிகள் தொடர்ந்து மேற்கொண்டு வருகிறோம்' என தெரிவித்துள்ளார்.