Ragi Murukku Recipe: மொறுமொறுப்பான ராகி முறுக்கு செய்வது எப்படி..? ரெசிபி டிப்ஸ் இதோ..!

அக்டோபர் 26, சென்னை (Kitchen Tips): இன்றைக்கு தீபாவளி ஸ்பெஷல் (Diwali) ரெசிபியாக மொறுமொறுப்பான ராகி முறுக்கு (Ragi Murukku) வீட்டிலேயே எப்படி சுலபமாக செய்வது என்பதை இந்த பதிவில் பார்ப்போம். இது உடல் எடையை குறைக்க உதவும். மேலும், உடலுக்கு தேவையான சத்துக்களை அளிக்கும்.

தேவையான பொருட்கள்:

ராகி மாவு - 2 கப்

அரிசி மாவு - ஒன்றரை கப்

பொட்டுக்கடலை மாவு - கால் கப்

வரமிளகாய் தூள் - 1 தேக்கரண்டி

ஓமம் - 1 தேக்கரண்டி

எள்ளு - 1 தேக்கரண்டி

பெருங்காயத்தூள் - அரை தேக்கரண்டி

வெண்ணெய் - 1 தேக்கரண்டி.

உப்பு - தேவையான அளவு

எண்ணெய் - தேவையான அளவு. Beetroot Chutney Recipe: சத்தான பீட்ரூட் சட்னி சுவையாக செய்வது எப்படி..? ரெசிபி டிப்ஸ் இதோ..!

செய்முறை:

• முதலில் ஒரு பெரிய பவுலில் ராகி மாவு, அரிசி மாவு, பொட்டுக்கடலை மாவு சேர்த்துக்கொள்ளவும். காரத்திற்கு வரமிளகாய் தூள், எள், ஓமம், பெருங்காயத்தூள், தேவையான அளவு உப்பு, வெண்ணெய் சேர்த்து நன்றாக பிசைந்துக்கொள்ள வேண்டும்.
• இப்போது தண்ணீர் கொஞ்சம் கொஞ்சமாக ஊற்றி மிருதுவாக மாவை பிசைந்து கொள்ளவும். கடைசியாக மாவு மீது சூடான எண்ணெய் சிறிது ஊற்றி பிசைந்து, சிறிது மாவை எடுத்து அச்சியில் வைத்து வாழை இலையின் மீது நன்றாக அழுத்தி முறுக்கை பிழியவும்.
• பின் ஒரு பாத்திரத்தை அடுப்பில் வைத்து எண்ணெய் ஊற்றி சூடானதும், முறுக்கை எடுத்து ஒவ்வொன்றாக எண்ணெய்யில் சேர்த்து இரண்டு பக்கமும் வேகவிட்டு நன்றாக பொரித்து எடுக்கவும். அவ்வளவுதான் சூப்பரான மொறு மொறு ராகி முறுக்கு தயார்.

(The above story first appeared on LatestLY on Oct 26, 2024 02:09 PM IST. For more news and updates on politics, world, sports, entertainment and lifestyle, log on to our website latestly.com).