ஜூலை 10, அனந்தபூர் (Andhra Pradesh News): ஆந்திர பிரதேசம் மாநிலத்தில் உள்ள அனந்தபூர் மாவட்டம், கர்லாடின்னே மண்டலம் பெனகச்சர்லா கிராமத்தில், வீட்டு நிலம் தொடர்பாக ஏற்பட்ட தகராறில், தம்பி ஜிலான், மூத்த சகோதரி மஹ்பூபி ஆகியோர் இடையே அடிக்கடி தகராறு ஏற்பட்டு வந்துள்ளது. இந்நிலையில், நேற்று காலை இதுதொடர்பாக தனது மூத்த சகோதரியிடம் தகராறில் ஈடுபட்ட ஜிலான், தனது சகோதரியை கோடரியால் பலமாக தாக்கினார். அப்போது உடன் இருந்த மஹ்பூபியின் மகள் ஷகுன்பி தடுக்க செல்லும்போது அவரையும் கோடரியால் (Axe) தாக்கியுள்ளார். Young Woman Pregnancy: இளம்பெண்ணை காதலித்து கர்ப்பமாக்கிய வாலிபர் திருமணத்திற்கு மறுப்பு; காவல்நிலையத்தில் பரபரப்பு புகார்..!

பின்னர், அருகில் இருந்தவர்கள் அவர்களை தடுத்து நிறுத்தி காயம் அடைந்தவர்களை மீட்டு அனந்தபுரம் அரசு மருத்துவமனைக்கு கொண்டு சென்றனர். இதுகுறித்து தகவலறிந்து சம்பவ இடத்துக்குச் சென்ற காவல்துறையினர், பாதிக்கப்பட்ட குடும்பத்தினர் அளித்த புகாரின்பேரில் வழக்குப்பதிவு செய்தனர். இந்த கொடூர தாக்குதலில் ஈடுபட்ட ஜிலானை காவல்துறையினர் கைது செய்தனர். இதன் வீடியோ காட்சிகள் சமூக வலைதளத்தில் வைரலாக பரவி வருகின்றது.

(ட்விட்டர், இன்ஸ்டாகிராம் மற்றும் யூடியூப் உள்ளிட்ட சமூக ஊடக உலகின் சமீபத்திய முக்கிய செய்திகள், வைரல் செய்திகளை சோசியலி (SocialLY) உங்களுக்குக் கொண்டு வருகின்றன. மேலே உள்ள இடுகை நேரடியாக ஒரு பயனரின் சமூக ஊடக கணக்கிலிருந்து உட்பொதிக்கப்பட்டது. லேட்டஸ்ட்லி பணியாளர்கள் இந்த தகவலை திருத்தவில்லை அல்லது மாற்றவில்லை. சமூக ஊடக இடுகைகளில் தோன்றும் கருத்துக்கள் மற்றும் உண்மைகள் லேட்டஸ்ட்லி கருத்துகளைப் பிரதிபலிக்காது, மேலும், லேட்டஸ்ட்லி அதற்கான எந்தப் பொறுப்பையும் ஏற்காது.)