ENG Vs IND 2nd Test, Day 2: கில் - ஜடேஜா இணை அபாரம்.. வலுவான நிலையில் இந்தியா..!
இங்கிலாந்து எதிர் இந்தியா அணிகள் மோதும் 2வது டெஸ்ட் போட்டியின், 2ஆம் நாள் மதிய உணவு இடைவேளை வரை இந்தியா 6 விக்கெட்களை இழந்து 419 ரன்கள் அடித்துள்ளது.
ஜூலை 03, பிர்மிங்ஹாம் (Sports News): இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு, 5 போட்டிகள் கொண்ட டெஸ்ட் தொடரில் விளையாடி வருகிறது. இத்தொடருக்கு, ஆண்டர்சன் - டெண்டுல்கர் டிராபி (Anderson-Tendulkar Trophy) என பெயரிடப்பட்டுள்ளது. இங்கிலாந்து - இந்தியா அணிகள் மோதும் 5 போட்டிகள் கொண்ட டெஸ்ட் தொடர், ஜியோ ஹாட்ஸ்டார் (Jio Hotstar) நேரடி ஒளிபரப்பு செய்கிறது. அனைத்து போட்டிகளும், இந்திய நேரப்படி பிற்பகல் 3.30 மணிக்கு தொடங்குகிறது. லீட்ஸ் மைதானத்தில் நடந்த முதல் டெஸ்ட் போட்டியில், இங்கிலாந்து அணி 5 விக்கெட் வித்தியாசத்தில் வெற்றி பெற்றது. இந்நிலையில், இன்று (ஜூலை 02) இங்கிலாந்து - இந்தியா அணிகள் (ENG Vs IND 2nd Test) மோதும் 2வது டெஸ்ட் போட்டி பிர்மிங்ஹாமில் நடைபெறுகிறது. ENG Vs IND 2nd Test, Day 1: கேப்டன் கில் சதமடித்து அசத்தல்.. இந்தியா 310 ரன்கள் குவிப்பு..!
இங்கிலாந்து எதிர் இந்தியா (England Vs India):
இப்போட்டியில், டாஸ் வென்ற இங்கிலாந்து அணியின் கேப்டன் பென் ஸ்டோக்ஸ் முதலில் பவுலிங்கை தேர்வு செய்தார். அதன்படி, முதலில் களமிறங்கிய இந்திய அணிக்கு ஆரம்பத்தில் கேஎல் ராகுல் 26 பந்துகளில் 2 ரன்கள் அடித்து அவுட்டானார். நிதானமாக விளையாடி வந்த கருண் நாயர் 31 ரன்னில் நடையை கட்டினார். ஜெய்ஸ்வால் 87 ரன்னிலும், ரிஷப் பந்த் 25 ரன்னிலும் விக்கெட்டை இழந்தனர். அடுத்து வந்த நிதிஷ் குமார் ரெட்டி 1 ரன்னில் அவுட்டாகினார். நிதானமாக விளையாடி கேப்டன் கில் சதமடித்து (216 பந்துகள் 114* ரன்கள்), ஜடேஜா 41* ரன்களுடன் களத்தில் உள்ளனர். முதல் நாள் முடிவில் இந்தியா 5 விக்கெட்களை இழந்து 310 ரன்கள் அடித்தது.
கில் நிலையான ஆட்டம்:
இந்நிலையில், 2ஆம் நாள் ஆட்டம் தொடங்கியது. நிலையான ஆட்டத்தை வெளிப்படுத்திய ரவீந்திர ஜடேஜா அரைசதம் (89 ரன்கள்) அடித்து அவுட்டானார். இந்தியா 2ஆம் மதிய உணவு இடைவேளை வரை, 110 ஓவர்களில் ஓவர்களில் 6 விக்கெட்களை இழந்து 419 ரன்கள் அடித்துள்ளது. கேப்டன் கில் 168* ரன்கள், வாசிங்டன் சுந்தர் 1* ரன்னுடன் களத்தில் உள்ளனர். 6வது விக்கெட்டுக்கு கில் - ஜடேஜா இணை 203 ரன்கள் பார்ட்னர்ஷிப் அமைத்தது.
இங்கிலாந்து (பிளேயிங் லெவன்):
ஜாக் க்ராலி, பென் டக்கெட், ஒல்லி போப், ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜேமி ஸ்மித், கிறிஸ் வோக்ஸ், பிரைடன் கார்ஸ், ஜோஷ் டங்கு, சோயிப் பஷீர். CSG Vs DD Qualifier 2: குவாலிபயர் 2.. நாளை சேப்பாக் - திண்டுக்கல் அணிகள் பலப்பரீட்சை..!
இந்தியா (பிளேயிங் லெவன்):
யஷஸ்வி ஜெய்ஸ்வால், கேஎல் ராகுல், கருண் நாயர், ஷுப்மன் கில் (கேப்டன்), ரிஷப் பந்த், நிதிஷ் குமார் ரெட்டி, ரவீந்திர ஜடேஜா, வாசிங்டன் சுந்தர், ஆகாஷ் தீப், முகமது சிராஜ், பிரசித் கிருஷ்ணா.
(The above story first appeared on LatestLY on Jul 03, 2025 05:47 PM IST. For more news and updates on politics, world, sports, entertainment and lifestyle, log on to our website latestly.com).
