Team India Under 19 Women (Photo Credit: @BCCIWomen X)

பிப்ரவரி 01, குலாலம்பூர் (Sports News): ஐசிசி 19 வயதுக்குட்பட்ட மகளிர் உலகக்கோப்பை 2025 போட்டி (ICC WOMENS U19 T20 WORLD CUP 2025), மலேஷியாவில் நடைபெற்று வருகிறது. இந்த போட்டியில் இந்தியா, இங்கிலாந்து, பங்களாதேஷ், மேற்கிந்திய தீவுகள், தென்னாபிரிக்கா, அமெரிக்கா, ஸ்காட்லாந்து, நைஜீரியா, அயர்லாந்து, ஆஸ்திரேலியா, இலங்கை ஆகிய அணிகள் வெவ்வேறு பிரிவுகளில் மோதிக்கொள்கின்றன. 31 ஜனவரி 2025 அன்று முதல் மற்றும் இரண்டாம் தகுதி சுற்றுகள் நடத்தப்பட்டு, 02 பிப்ரவரி 2025 அன்று இறுதி போட்டி நடைபெறுகிறது. இந்தியா சார்பில் நிகி பிரசாத் கேப்டனாக அணியை வழிநடத்த, அவரின் தலைமையிலான இந்திய கிரிக்கெட் அணியில் திரிஷா, கமலினி, சங்கா, நிகி, ஐஸ்வரி, மிதிலா, ஆயுஷி, ஜோஷிதா, ஷப்னம், பருணிகா, வைஷ்ணவி ஆகியோர் இடம்பெற்றுள்ளனர். IND Vs ENG 5th T20i: இந்தியா - இங்கிலாந்து அணிகளுக்கு இடையேயான ஐந்தாவது டி 20 ஆட்டம்.. எங்கு? எப்போது? விபரம் இதோ.! 

இந்தியா - தென்னாபிரிக்கா 19 வயதுக்குட்பட்டோருக்கான மகளிர் டி20 உலக்கோப்பை (India Vs South Africa ICC WOMENS U19 T20 WORLD CUP 2025 Final):

தொடக்கத்தில் இருந்து தனது சிறப்பான பங்களிப்பை வெளிப்படுத்தி வந்த இந்திய கிரிக்கெட் அணி, இறுதிப்போட்டிக்கு தேர்வாகி இருக்கிறது. இந்த போட்டியில் இந்திய மகளிர் யு19 கிரிக்கெட் அணியை தென்னாபிரிக்க மகளிர் யு19 கிரிக்கெட் அணி (South Africa Women U19 vs India Women U19) எதிர்கொள்கிறது. இந்த ஆட்டம் மலேஷியாவில் இருக்கும் குலாலம்பூர், பாயுமஸ் கிரிக்கெட் ஓவல் (Bayuemas Cricket Oval) மைதானத்தில் வைத்து நடைபெறுகிறது. வரும் ஞாயிற்றுக்கிழமை (02 பிப்ரவரி 2025) அன்று மதியம் 12:00 மணியளவில், இந்திய நேரப்படி போட்டி தொடங்கி நடைபெறுகிறது. இந்த ஆட்டத்தை டிஸ்னி ஹாட்ஸ்டார் (Disney Hotstar) பக்கத்தில் நேரலையில் பார்க்கலாம். தொலைக்காட்சியில் ஸ்டார் ஸ்போர்ட்ஸ் (Star Sports) ல் ஒளிபரப்பு செய்யப்படும்.

இறுதிப்போட்டிக்கு தேர்வான மகிழ்ச்சியில் இந்திய மகளிர் யு19 கிரிக்கெட் அணியினர் துள்ளிகுதிக்கும் காட்சி: