SL Vs BAN 3rd ODI: குஷால் மென்டிஸ் அபார சதம்.. வங்கதேசம் வெற்றி பெற 286 ரன்கள் இலக்கு..!
இலங்கை எதிர் வங்கதேசம் அணிகள் மோதும் 3வது ஒருநாள் போட்டியில், முதலில் பேட்டிங் செய்த இலங்கை அணி 50 ஓவர்களில் 7 விக்கெட்களை இழந்து 285 ரன்கள் அடித்துள்ளது.
ஜூலை 08, பல்லேகலே (Sports News): வங்கதேச கிரிக்கெட் அணி இலங்கையில் சுற்றுப்பயணம் மேற்கொண்டு 2 டெஸ்ட், 3 ஒருநாள் மற்றும் 3 டி20 போட்டிகளில் விளையாடி வருகிறது. டெஸ்ட் தொடரில் இலங்கை அணி 1-0 என்ற கணக்கில் வெற்றி பெற்றது. இதனையடுத்து, முதலாவது ஒருநாள் போட்டியில், இலங்கை அணி 77 ரன்கள் வித்தியாசத்தில் வெற்றி பெற்றது. 2வது ஒருநாள் போட்டியில், வங்கதேச அணி 16 ரன்கள் வித்தியாசத்தில் வெற்றி பெற்றது. இதன்மூலம் 1-1 என்ற நிலையில், 3வது ஒருநாள் போட்டி (SL Vs BAN) இன்று நடைபெற்று வருகிறது. இதில், டாஸ் வென்ற இலங்கை அணி முதலில் பேட்டிங்கை தேர்வு செய்தது. ZIM Vs SA 2nd Test, Day 3: தென்னாப்பிரிக்கா இன்னிங்ஸ் வெற்றி.. 2-0 என தொடரை வென்று சாதனை..!
குஷால் மென்டிஸ் அபார சதம்:
அதன்படி, முதலில் களமிறங்கிய இலங்கை அணிக்கு நிசன் 1 ரன்னில் அவுட்டானார். அடுத்து, பதும் நிசங்கா 35 ரன்னிலும், கமிந்து மென்டிஸ் 16 ரன்னிலும் நடையை கட்டினர். இதன்பிறகு, குஷால் மென்டிஸ் - கேப்டன் அசலங்கா இணை அணியை சரிவில் இருந்து மீட்டது. கேப்டன் அசலங்கா அரைசதம் (58 ரன்கள்) அடித்து அவுட்டானார். மறுபுறம், அதிரடியாக விளையாடிய குஷால் மென்டிஸ் சதமடித்து (124 ரன்கள்) அசத்தினார். இறுதியில், இலங்கை அணி 50 ஓவர்களில் 7 விக்கெட்களை இழந்து 285 ரன்கள் அடித்தது. வங்கதேச அணி தரப்பில் தஸ்கின் அகமது மற்றும் மெஹிதி ஹசன் மிராஸ் தலா 2 விக்கெட்கள், தன்சிம் ஹசன் சாகிப், தன்வீர் இஸ்லாம் மற்றும் ஷமிம் ஹொசைன் தலா 1 விக்கெட்களை வீழ்த்தினர்.
இலங்கை (பிளேயிங் லெவன்):
நிஷான் மதுஷ்க, பதும் நிசங்கா, குசல் மெண்டிஸ், கமிந்து மெண்டிஸ், சரித் அசலங்கா (கேப்டன்), ஜனித் லியனகே, துனித் வெல்லலகே, வனிந்து ஹசரங்க, மஹீஸ் தீக்ஷன, துஷ்மந்த சமீர, அசித்த பெர்னாண்டோ.
வங்கதேசம் (பிளேயிங் லெவன்):
பர்வேஸ் ஹொசைன் எமன், தன்சித் ஹசன் தமீம், நஜ்முல் ஹொசைன் சாண்டோ, தௌஹித் ஹிரிடோய், மெஹிதி ஹசன் மிராஸ் (கேப்டன்), ஷமிம் ஹொசைன், ஜேக்கர் அலி, தஸ்கின் அகமது, தன்சிம் ஹசன் சாகிப், தன்வீர் இஸ்லாம், முஸ்தாபிசுர் ரஹ்மான்.