SL Vs BAN 1st T20I: இலங்கை அபார பந்துவீச்சு.. வெற்றி பெற 155 ரன்கள் இலக்கு..!
இலங்கை எதிர் வங்கதேசம் அணிகள் மோதும் முதலாவது டி20 போட்டியில், முதலில் பேட்டிங் செய்த வங்கதேச அணி 20 ஓவர்களில் 5 விக்கெட்களை இழந்து 154 ரன்கள் அடித்துள்ளது.
ஜூலை 10, பல்லேகலே (Sports News): வங்கதேச கிரிக்கெட் அணி இலங்கையில் சுற்றுப்பயணம் மேற்கொண்டு 2 டெஸ்ட், 3 ஒருநாள் மற்றும் 3 டி20 போட்டிகளில் விளையாடி வருகிறது. டெஸ்ட் தொடரில் இலங்கை அணி 1-0 என்ற கணக்கில் வெற்றி பெற்றது. ஒருநாள் தொடரையும், 2-1 என்ற கணக்கில் இலங்கை அணி வென்றது. இந்நிலையில், இலங்கை - வங்கதேசம் அணிகள் மோதும் முதலாவது டி20ஐ போட்டி இன்று (ஜூலை 10) பல்லேகலே மைதானத்தில் நடைபெறுகிறது. SL Vs BAN 1st T20I, Toss: இலங்கை அணி டாஸ் வென்று பவுலிங் தேர்வு.. வெற்றி பெற போவது யார்..?
இலங்கை எதிர் வங்கதேசம் (Sri Lanka Vs Bangladesh):
சரித் அசலங்கா தலைமையிலான இலங்கை அணி, லிட்டன் தாஸ் தலைமையிலான வங்கதேச அணியை எதிர்கொள்கிறது. இப்போட்டியில், டாஸ் வென்ற இலங்கை அணியின் கேப்டன் சரித் அசலங்கா முதலில் பவுலிங்கை தேர்வு செய்தார். அதன்படி, முதலில் களமிறங்கிய வங்கதேச அணி 20 ஓவர்களில் 5 விக்கெட்களை இழந்து 154 ரன்கள் அடித்தது. அதிகபட்சமாக தொடக்க வீரர் பர்வேஸ் ஹொசைன் எமன் 38, முகமது நைம் 32* ரன்கள் அடித்தனர். மற்ற வீரர்கள் சொற்ப ரன்களில் விக்கெட்டை இழந்தனர். இலங்கை அணி சார்பில் மஹீஷ் தீக்ஷன 2, நுவான் துஷார, தசுன் ஷனக மற்றும் ஜெப்ரி வான்டர்சே தலா 1 விக்கெட்களை வீழ்த்தினர்.
இலங்கை (பிளேயிங் லெவன்):
பதும் நிசங்கா, குசல் மெண்டிஸ், குசல் பெரேரா, அவிஷ்க பெர்னாண்டோ, சரித் அசலங்க (கேப்டன்), தசுன் ஷனக, சாமிக்க கருணாரத்ன, மஹீஷ் தீக்ஷன, ஜெப்ரி வான்டர்சே, பினுர பெர்னாண்டோ, நுவான் துஷார.
வங்கதேசம் (பிளேயிங் லெவன்):
தன்சித் ஹசன் தமீம், பர்வேஸ் ஹொசைன் எமன், லிட்டன் தாஸ் (கேப்டன்), முகமது நைம், தௌஹித் ஹிரிடோய், ஷமிம் ஹொசைன், மெஹிதி ஹசன் மிராஸ், தன்சிம் ஹசன் சாகிப், ரிஷாத் ஹொசைன், தஸ்கின் அகமது, முகமது சைபுதீன்.