SL Vs BAN 1st T20I 2nd Batting (Photo Credit: @OfficialSLC X)

ஜூலை 10, பல்லேகலே (Sports News): வங்கதேச கிரிக்கெட் அணி இலங்கையில் சுற்றுப்பயணம் மேற்கொண்டு 2 டெஸ்ட், 3 ஒருநாள் மற்றும் 3 டி20 போட்டிகளில் விளையாடி வருகிறது. டெஸ்ட் தொடரில் இலங்கை அணி 1-0 என்ற கணக்கில் வெற்றி பெற்றது. ஒருநாள் தொடரையும், 2-1 என்ற கணக்கில் இலங்கை அணி வென்றது. இந்நிலையில், இலங்கை - வங்கதேசம் அணிகள் மோதும் முதலாவது டி20ஐ போட்டி இன்று (ஜூலை 10) பல்லேகலே மைதானத்தில் நடைபெற்றது. SL Vs BAN 1st T20I: இலங்கை அபார பந்துவீச்சு.. வெற்றி பெற 155 ரன்கள் இலக்கு..!

இலங்கை எதிர் வங்கதேசம் (Sri Lanka Vs Bangladesh):

சரித் அசலங்கா தலைமையிலான இலங்கை அணி, லிட்டன் தாஸ் தலைமையிலான வங்கதேச அணியை எதிர்கொண்டது. இப்போட்டியில், டாஸ் வென்ற இலங்கை அணியின் கேப்டன் சரித் அசலங்கா முதலில் பவுலிங்கை தேர்வு செய்தார். அதன்படி, முதலில் களமிறங்கிய வங்கதேச அணி 20 ஓவர்களில் 5 விக்கெட்களை இழந்து 154 ரன்கள் அடித்தது. அதிகபட்சமாக தொடக்க வீரர் பர்வேஸ் ஹொசைன் எமன் 38, முகமது நைம் 32* ரன்கள் அடித்தனர். மற்ற வீரர்கள் சொற்ப ரன்களில் விக்கெட்டை இழந்தனர். இலங்கை அணி சார்பில் மஹீஷ் தீக்ஷன 2, நுவான் துஷார, தசுன் ஷனக மற்றும் ஜெப்ரி வான்டர்சே தலா 1 விக்கெட்களை வீழ்த்தினர்.

இலங்கை வெற்றி:

இதனையடுத்து களமிறங்கிய இலங்கை அணி 155 ரன்கள் எடுத்தால் வெற்றி என்ற இலக்கை நோக்கி துரத்தியது. தொடக்க வீரர் பதும் நிசங்கா அதிரடியாக விளையாடி 42 ரன்கள் அடித்து அவுட்டானார். அடுத்து வந்த குஷால் பெரேரா 24 ரன்களில் நடையை கட்டினார். குஷால் மென்டிஸ் அதிரடியாக விளையாடி அரைசதம் (73 ரன்கள்) அடித்து அசத்தினார். இறுதியில், இலங்கை அணி 19 ஓவர்களில் 3 விக்கெட்களை இழந்து 159 ரன்கள் அடித்தது. இதன்மூலம், இலங்கை அணி 7 விக்கெட் வித்தியாசத்தில் அபார வெற்றி பெற்றது.

இலங்கை (பிளேயிங் லெவன்):

பதும் நிசங்கா, குசல் மெண்டிஸ், குசல் பெரேரா, அவிஷ்க பெர்னாண்டோ, சரித் அசலங்க (கேப்டன்), தசுன் ஷனக, சாமிக்க கருணாரத்ன, மஹீஷ் தீக்ஷன, ஜெப்ரி வான்டர்சே, பினுர பெர்னாண்டோ, நுவான் துஷார.

வங்கதேசம் (பிளேயிங் லெவன்):

தன்சித் ஹசன் தமீம், பர்வேஸ் ஹொசைன் எமன், லிட்டன் தாஸ் (கேப்டன்), முகமது நைம், தௌஹித் ஹிரிடோய், ஷமிம் ஹொசைன், மெஹிதி ஹசன் மிராஸ், தன்சிம் ஹசன் சாகிப், ரிஷாத் ஹொசைன், தஸ்கின் அகமது, முகமது சைபுதீன்.