ZIM Vs SA: சிக்கந்தர் ராசா அரைசதம் அடித்து அசத்தல்.. தென்னாப்பிரிக்க வெற்றிக்கு 142 ரன்கள் இலக்கு..!

ஜூலை 14, ஹராரே (Sports News): ஜிம்பாப்வே, தென்னாப்பிரிக்கா, நியூசிலாந்து ஆகிய 3 அணிகள் மோதும் முத்தரப்புத் தொடர், ஜிம்பாப்வேயில் ஜூலை 14ஆம் தேதி முதல் ஜூலை 26 வரை நடைபெறுகிறது. இதில், ஒவ்வொரு அணியும் மற்ற அணிகளுடன் தலா 2 போட்டிகளில் மோத வேண்டும். லீக் சுற்றுப் போட்டிகளில் முடிவில் முதல் இரண்டு இடங்களை பிடிக்கும் அணிகள் இறுதிபோட்டிக்கு செல்லும். டி20 வடிவிலான இந்த முத்தரப்பு தொடரின் முதல் போட்டியில், இன்று (ஜூலை 14) ஜிம்பாப்வே - தென்னாப்பிரிக்க அணிகள் மோதுகின்றன. ZIM Vs SA, Toss: தென்னாப்பிரிக்கா டாஸ் வென்று பவுலிங் தேர்வு.. முத்தரப்பு டி20 தொடர் ஆரம்பம்..!

ஜிம்பாப்வே எதிர் தென்னாப்பிரிக்கா (Zimbabwe Vs South Africa):

இவ்விரு அணிகளும் இதுவரை 6 முறை நேருக்குநேர் மோதியுள்ளன. இதில், தென்னாப்பிரிக்க அணி 5 போட்டிகளில் வெற்றி பெற்றுள்ளது. 1 போட்டி முடிவில்லை. இப்போட்டியில், டாஸ் வென்ற தென்னாப்பிரிக்க அணியின் கேப்டன் ரஸ்ஸி வான் டெர் டுசென் முதலில் பவுலிங்கை தேர்வு செய்தார். அதன்படி, முதலில் களமிறங்கிய ஜிம்பாப்வே அணிக்கு வெஸ்லி மாதேவெரே 1, கிளைவ் மடண்டே 8 ரன்கள் என விக்கெட்களை இழந்தனர். அடுத்து வந்த பிரையன் பென்னட் 30, ரியான் பர்ல் 29 ரன்கள் அடித்து அவுட்டாகினர். கேப்டன் சிக்கந்தர் ராசா அதிரடியாக விளையாடி அரைசதம் (54* ரன்கள்) கடந்து அசத்தினார். இதன்மூலம், ஜிம்பாப்வே அணி 20 ஓவர்களில் 6 விக்கெட்களை இழந்து 141 ரன்கள் அடித்துள்ளது. தென்னாப்பிரிக்க அணி சார்பில் அதிகபட்சமாக ஜார்ஜ் லிண்டே 3 விக்கெட்களை வீழ்த்தினார்.

ஜிம்பாப்வே (பிளேயிங் லெவன்):

பிரையன் பென்னட், வெஸ்லி மாதேவெரே, கிளைவ் மடண்டே, சிக்கந்தர் ராசா (கேப்டன்), ரியான் பர்ல், தஷிங்கா முசெகிவா, டோனி முனியோங்கா, வெலிங்டன் மசகட்சா, ரிச்சர்ட் நகரவா, பிளஸ்ஸிங் முசரபானி, ட்ரெவர் குவாண்டு.

தென்னாப்பிரிக்கா (பிளேயிங் லெவன்):

ரீசா ஹென்ட்ரிக்ஸ், லுவான்-ட்ரே பிரிட்டோரியஸ், ரஸ்ஸி வான் டெர் டுசென் (கேப்டன்), டெவால்ட் ப்ரீவிஸ், ரூபின் ஹெர்மன், ஜார்ஜ் லிண்டே, கார்பின் போஷ், அண்டில் சிமெலேன், நகாபயோம்சி பீட்டர், நந்த்ரே பர்கர், லுங்கி என்கிடி.