ZIM Vs SL 1st T20I, Toss: ஜிம்பாப்வே - இலங்கை முதலாவது டி20 போட்டி.. இலங்கை டாஸ் வென்று பவுலிங் தேர்வு..!
ஜிம்பாப்வே எதிர் இலங்கை (ZIM Vs SL T20I) அணிகள் மோதும் முதலாவது டி20 போட்டியில், இலங்கை அணி டாஸ் வென்று முதலில் பவுலிங்கை தேர்வு செய்துள்ளது.
செப்டம்பர் 03, ஹராரே (Sports News): இலங்கை கிரிக்கெட் அணி ஜிம்பாப்வேவில் சுற்றுப்பயணம் மேற்கொண்டு, 2 போட்டிகள் கொண்ட ஒருநாள் தொடர் மற்றும், 3 போட்டிகள் கொண்ட டி20 தொடரில் விளையாடி வருகிறது. இத்தொடரின் அனைத்து போட்டிகளும், ஹராரே ஸ்போர்ட்ஸ் கிளப் மைதானத்தில் நடைபெறுகிறது. இதில், நடந்து முடிந்த ஒருநாள் தொடரில், இலங்கை அணி 2-0 என ஜிம்பாப்வேவை வீழ்த்தி தொடரை கைப்பற்றியது. இதனையடுத்து, ஜிம்பாப்வே - இலங்கை (ZIM Vs SL) அணிகள் மோதும் முதலாவது டி20 போட்டி, இன்று (செப்டம்பர் 03) இந்திய நேரப்படி மாலை 5 மணிக்கு ஆரம்பமாகிறது. PAK Vs AFG: இப்ராஹிம் சத்ரான் - செடிகுல்லா அடல் இணை அபாரம்.. பாகிஸ்தான் வெற்றிக்கு 170 ரன்கள் இலக்கு..!
ஜிம்பாப்வே எதிர் இலங்கை (Zimbabwe Vs Sri Lanka):
சிக்கந்தர் ராசா தலைமையிலான ஜிம்பாப்வே அணி, சரித் அசலங்கா தலைமையிலான இலங்கை அணியை எதிர்கொள்கிறது. இவ்விரு அணிகள் இதுவரை 6 சர்வதேச டி20 போட்டிகளில் நேருக்குநேர் மோதியுள்ளன. இதில், ஜிம்பாப்வே அணி 1 போட்டியிலும், இலங்கை அணி 5 போட்டிகளிலும் வெற்றி பெற்றுள்ளன. ஜிம்பாப்வே - இலங்கை அணிகளுக்கு இடையேயான ஒருநாள் மற்றும் டி20ஐ தொடரை பேன்கோட் செயலி மூலம் நேரலையில் பார்க்கலாம். இப்போட்டியில், டாஸ் வென்ற இலங்கை அணியின் கேப்டன் சரித் அசலங்கா முதலில் பவுலிங்கை தேர்வு செய்துள்ளார்.
ஜிம்பாப்வே அணி வீரர்கள்:
பிரையன் பென்னட், தடிவானாஷே மருமணி, சீன் வில்லியம்ஸ், சிக்கந்தர் ராசா (கேப்டன்), ரியான் பர்ல், டோனி முனியோங்கா, தஷிங்கா முசெகிவா, பிராட் எவன்ஸ், டினோடென்டா மபோசா, ரிச்சர்ட் நகரவா, பிளஸ்ஸிங் முசரபானி.
இலங்கை அணி வீரர்கள்:
பதும் நிசங்கா, குசல் மெண்டிஸ், குசல் பெரேரா, நுவனிது பெர்னாண்டோ, சரித் அசலங்கா (கேப்டன்), கமிந்து மெண்டிஸ், தசுன் ஷனக, துஷான் ஹேமந்த, துஷ்மந்த சமீர, மஹீஸ் தீக்ஷன, நுவன் துஷார.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)