வானிலை: வடதமிழகத்தில் காற்றழுத்த தாழ்வு பகுதி; தமிழ்நாட்டில் மழைக்கான வாய்ப்பு - சென்னை வானிலை ஆய்வு மையம் அறிவிப்பு.!

டிசம்பர் 24, நுங்கம்பாக்கம் (Chennai News): வானிலையில் (Weather) கடந்த 24 மணிநேரத்தில் ஏற்பட்ட மாற்றத்தைப் பொறுத்தவரையில், தமிழகத்தில்‌ ஓரிரு இடங்களில்‌, மழை பெய்துள்ளது. புதுவை மற்றும்‌ காரைக்கால்‌ பகுதிகளில்‌ வறண்ட வானிலை நிலவியது. கடந்த 24 மணி நேரத்தில்‌ ஓட்டப்பிடாரம், சோழவந்தான் ஆகிய இடத்தில மழை பெய்துள்ளது. அதிகபட்சமாக கன்னியாகுமரியில் 34.1 டிகிரி செல்ஸியஸ் வெப்பமும், குறைந்தபட்சமாக ஈரோட்டில் 16.2 டிகிரி செல்ஸியஸ் வெப்பமும் பதிவாகியுள்ளது.

காற்றழுத்த தாழ்வு பகுதி:

அடுத்த ஏழு தினங்களுக்கான வானிலை முன்னறிவிப்பு மற்றும்‌ எச்சரிக்கையில், நேற்று தென்மேற்கு மற்றும்‌ அதனை ஒட்டிய மத்தியமேற்கு வங்கக்கடல்‌ பகுதிகளில்‌, தெற்கு ஆந்திர - வடதமிழக கடலோரப்பகுதிகளில்‌ நிலவிய ஆழ்ந்த காற்றழுத்த தாழ்வு பகுதி, இன்று (24-12-2024) காலை 08:30 மணி அளவில் தென்மேற்கு வங்கக்கடல்‌ பகுதியில்‌, தெற்கு ஆந்திர - வடதமிழக கடலோரப்பகுதிகளில்‌ நிலவுகிறது. மேலும்‌ இது, மேற்கு - தென்மேற்கு திசையில்‌ நகர்ந்து, அடுத்த 24 மணி நேரத்தில்‌ காற்றழுத்த தாழ்வு பகுதியாக அதே பகுதிகளில்‌ வழுவிழக்கக்கூடும்‌. லட்சத்தீவு மற்றும்‌ அதனை ஒட்டிய பகுதிகளில்‌ ஒரு வளி மண்டல கீழடுக்கு சுழற்சி நிலவுகிறது.

இன்றைய வானிலை (Today Weather):

இதனால் 24-12-2024 இன்று வடதமிழக கடலோர மாவட்டங்களில்‌ ஒருசில இடங்களிலும்‌, இதர தமிழக மாவட்டங்களில்‌ ஓரிரு இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌, இடி, மின்னலுடன்‌ கூடிய லேசானது முதல்‌ மிதமான மழை பெய்யக்கூடும்‌. மத்திய அரசின் அறிவிப்புக்கு தமிழ்நாடு அரசு கடும் எதிர்ப்பு.. காரணம் என்ன? பரபரப்புக்கும் கண்டனம்.! 

நாளைய வானிலை (Tomorrow Weather):

25-12-2024 அன்று வடதமிழகத்தில்‌ ஒருசில இடங்களிலும்‌, தென்தமிழகத்தில்‌ ஓரிரு இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌, இடி, மின்னலுடன்‌ கூடிய லேசானது முதல்‌ மிதமான மழை பெய்யக்கூடும்‌. 26-12-2024 அன்று தமிழகத்தில்‌ அநேக இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌ இடி, மின்னலுடன்‌ கூடிய லேசானது முதல்‌ மிதமான மழை பெய்யக்கூடும்‌. 27-12-2024 அன்று தமிழகத்தில்‌ ஒருசில இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌ லேசானது முதல்‌ மிதமான மழை பெய்யக்கூடும்‌. 28-12-2024 மற்றும்‌ 29-12-2024 ஆகிய தேதிகளில் தமிழகத்தில்‌ ஓரிரு இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌ லேசானது முதல்‌ மிதமான மழை பெய்யக்கூடும்‌. 30-12-2024 அன்று தமிழகத்தில்‌ ஒருசில இடங்களிலும்‌, புதுவை மற்றும்‌ காரைக்கால்‌ பகுதிகளிலும்‌ லேசானது முதல்‌ மிதமான மழை பெய்யக்கூடும்‌.

சென்னை (Chennai Weather Today) மற்றும்‌ புறநகர்‌ பகுதிகளுக்கான வானிலை முன்னறிவிப்பு:

அடுத்த 24 மணி நேரத்திற்கு வானம்‌ ஓரளவு மேகமூட்டத்துடன்‌ காணப்படும்‌. நகரின்‌ ஒருசில பகுதிகளில்‌ இடி, மின்னலுடன்‌ கூடிய மிதமான மழை பெய்யக்கூடும்‌. அதிகபட்ச வெப்பநிலை 28-29 டிகிரி செல்சியஸை ஒட்டியும்‌, குறைந்தபட்ச வெப்பநிலை 23-24 டிகிரி செல்சியஸை ஒட்டியும் இருக்கக்கூடும்‌. அடுத்த 48 மணி நேரத்திற்கு வானம்‌ ஓரளவு மேகமூட்டத்துடன்‌ காணப்படும்‌. நகரின்‌ ஒருசில பகுதிகளில்‌ இடி, மின்னலுடன்‌ கூடிய மிதமான மழை பெய்யக்கூடும்‌.

மீனவர்களுக்கான எச்சரிக்கை:

24-12-2024 மற்றும்‌ 25-12-2024 ஆகிய தேதிகளில் வடதமிழக கடலோரப்பகுதிகளில்‌ குறாவளிக்காற்று மணிக்கு 35 முதல்‌ 48 கிலோ மீட்டர்‌ வேகத்திலும்‌ இடையிடையே 55 இிலோ மீட்டர்‌ வேகத்திலும்‌ வீசக்கூடும்‌.

24-12-2024 அன்று தெற்கு ஆந்திர கடலோரப்பகுதிகள்‌, மத்தியமேற்கு வங்கக்கடல்‌ மற்றும்‌ அதனை ஒட்டிய தென்மேற்கு வங்கக்கடல்‌ பகுதிகளில்‌ சூறாவளிக்காற்று மணிக்கு 35 முதல்‌ 48 கிலோ மீட்டர்‌ வேகத்திலும்‌ இடையிடையே 55 கிலோ மீட்டர்‌ வேகத்திலும்‌ வீசக்கூடும்‌.

25-12-2024 அன்று மத்தியமேற்கு வங்கக்கடல்‌ மற்றும்‌ அதனை ஒட்டிய தென்மேற்கு வங்கக்கடல்‌ பகுதிகள்‌, வடதமிழக கடலோரப்‌ பகுதிகளை ஒட்டிய தெற்கு ஆந்திர கடலோரப்‌ பகுதிகளில்‌ சூறாவளிக்காற்று மணிக்கு 35 முதல்‌ 45 கிலோ மீட்டர்‌ வேகத்திலும்‌ இடையிடையே 55 கிலோ மீட்டர்‌ வேகத்திலும்‌ வீசக்கூடும்‌ என்பதால், மேற்கூறிய பகுதிகளுக்கு செல்ல வேண்டாம் எனவும் அறிவுறுத்தப்படுகிறது.

(The above story first appeared on LatestLY on Dec 24, 2024 01:43 PM IST. For more news and updates on politics, world, sports, entertainment and lifestyle, log on to our website latestly.com).