Traffic Diversions In Madurai: மதுரை மாநகரில் போக்குவரத்து மாற்றங்கள்.. கோரிப்பாளையம் வழியாக செல்வபர்களுக்கான அறிவிப்பு..!

ஜூலை 03, மதுரை (Madurai News): மதுரை மாநகரில் தமுக்கம் சந்திப்பு முதல் கோரிப்பாளையம் சந்திப்பு வரையிலான பகுதியில் மேம்பால கட்டுமான பணிகள் நடைபெற இருப்பதால் அப்பகுதியில் வாகன போக்குவரத்து தடை செய்யப்பட்டு, வாகன ஓட்டுநர்கள் மற்றும் பொதுமக்கள் சிரமமின்றி நகருக்குள் சென்றுவர போக்குவரத்து மாற்றங்கள் அமல்படுத்தப்பட்டுள்ளன.

போக்குவரத்து மாற்றங்கள்: அதன் படி, பெரியார் பேருந்துநிலையம் மற்றும் செல்லூர் புதுப்பாலம் வழியாக வரும் வாகனங்கள் MM லாட்ஜ், E2,E2 சாலை, அரசன் பேக்கரி, நவநீதகிருஷ்னன் கோயில் சந்திப்பு, கோகலே ரோடு, IOC ரவுண்டானா வழியாக வந்து நத்தம் சாலை, அழகர்கோயில் மற்றும் M.G.R பேருந்து நிலையம் செல்ல வேண்டும்.

நத்தம் சாலை, அழகர்கோவில் சாலையிலிருந்து வரும் அரசு மாநகர பேருந்துகள், கார்கள் மற்றும் இரு சக்கர வாகனங்கள் மட்டும் அவுட் போஸ்ட் வழியாக தமுக்கம் சந்திப்பு வந்து, அங்கு வலதுபுறம் (Wrong Right) திரும்பி North Gate, தமிழரசி பேக்கரி, கோரிப்பாளையம் சந்திப்பு வழியாக AV பாலம் செல்ல வேண்டும். இருசக்கர வாகனங்கள் மற்றும் இலகுரக வாகனங்கள் தமுக்கம் சந்திப்பில் இடதுபுறம் திரும்பி காந்தி மியூசியம் வழியாக வள்ளுவர் சிலையை அடையலாம். Hathras Stampade: இசைக்கச்சேரியில் மிகப்பெரிய துயரம்.. துள்ளத்துடிக்க 23 பேர் பலி? கூட்டநெரிசலில் சிக்கி 100 பேர் காயம்..! உ.பி-யில் சோகம்..!

M.G.R பேருந்து நிலையத்திலிருந்து வரும் வாகனங்கள் கே.கே.நகர் ஆர்ச், கே.கே நகர் 80 அடிச்சாலை, ஆவின் சந்திப்பு, ஆசாரிதோப்பு சந்திப்பு, வைகை வடகரை ரோடு, செல்லூர் ரவுண்டானா, தத்தனேரி மெயின் ரோடு வழியாக ஆரப்பாளையம் செல்ல வேண்டும்.

நத்தம் மற்றும் அழகர் ரோடு வழியாக ஆரப்பாளையம் மற்றும் பெரியார் செல்லும் கனரக மற்றும் வணிக பயன்பாட்டு வாகனங்கள் அவுட்போஸ்ட், மாவட்ட நீதிமன்றம், கே.கே.நகர் ஆர்ச், கே.கே.நகர் 80 அடி சாலை,ஆவின் சந்திப்பு, சாத்தமங்கலம் ரோடு, பனகல் ரோடு, கோரிப்பாளையம் சந்திப்பு, AV பாலம் வழியாக வந்து கீழவெளிவீதி மற்றும் யானைக்கல், வடக்குமாரட் வீதி செல்ல வேண்டும்.

கடந்த 22.06.2024ம் தேதி மேற்கொண்ட சோதனை போக்குவரத்து மாற்றங்களின் அடிப்படையிலும், பொதுமக்கள் நலன் கருதியும் போக்குவரத்து மாற்றங்கள் அமல்படுத்தப்பட்டுள்ளன. இந்த போக்குவரத்து மாற்றங்களினால் பொதுமக்களுக்கு சிரமங்கள் இருப்பின் தக்க பரிசீலனை செய்து மாற்றங்கள் செய்யப்படும் என மதுரை மாநகர் போக்குவரத்து காவல்துறை தெரிவித்துள்ளது.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)