Krishnagiri Shocker: சொத்து தகராறில் அண்ணண்-அண்ணி கொடூர கொலை.. தீபாவளியன்று பயங்கரம்.. கிருஷ்ணகிரியில் அதிர்ச்சி.!
ஊரே தீபாவளியை மகிழ்ச்சியாக கொண்டாடிக்கொண்டு இருந்த வேளையில், நிலத்தகராறில் ஆத்திரத்தில் இருந்த தம்பி தனது அண்ணண்-அண்ணியை கொலை செய்த பயங்கரம் நடந்துள்ளது.
நவம்பர் 01, பாப்பாரப்பட்டி (Krishnagiri News): கிருஷ்ணகிரி மாவட்டத்தில் உள்ள பாப்பாரப்பட்டி, மோட்டூர் கிராமம், தலைவாசல் நகரில் வசித்து வருபவர் மாரிமுத்து (வயது 37). இவரின் மனைவி ருக்மணி (வயது 30). மாரிமுத்துவின் சகோதரர் முருகன் (வயது 28). சகோதரர்களான மாரிமுத்து - முருகன் இடையே நிலம் தொடர்பாக முன்விரோத பிரச்சனை இருந்து வந்துள்ளது. இந்த விஷயம் தொடர்பாக அவ்வப்போது இரண்டு குடும்பத்தினரும் வாக்குவாதம் செய்து வந்துள்ளனர்.
அண்ணண்-அண்ணிக்கு (Krishnagiri Couple Killed Over Land Dispute) கத்தியால் சரமாரி வெட்டு:
பின் அவர்களாகவே சமாதானமாக இருந்து, பேச்சுவார்த்தை இல்லாமல் இருந்துள்ளனர். இதனிடையே, நேற்று இரவில் சுமார் 9 மணிக்கு இளையவர் முருகன், மூத்தவரான அண்ணண் மாரிமுத்துவின் வீட்டிற்கு வருகை தந்துள்ளார். அங்கு மாரிமுத்து, அவரின் மனைவி ருக்மணி ஆகியோரை கத்தியால் சரமாரியாக வெட்டிவிட்டு தப்பிச் சென்றார். இதனைக்கண்டு அதிர்ந்துபோன அக்கம்-பக்கத்தினர், காவல்துறையினருக்கு தகவல் தெரிவித்தனர். வானிலை: 19 மாவட்டங்களில் காலை 10 மணிவரை வெளுக்கப்போகும் மழை; வானிலை ஆய்வு மையம் அலர்ட்.!
இருவரும் உயிரிழப்பு:
நிகழ்விடத்திற்கு விரைந்த அதிகாரிகள், உயிருக்கு இரத்த வெள்ளத்தில் போராடிக்கொண்டு இருந்த கணவன் - மனைவியை மீட்டு மருத்துவமனையில் சிகிச்சைக்காக அனுமதி செய்தனர். மருத்துவமனையில் நடந்த பரிசோதனையில், இருவரும் உயிரிழந்தது அம்பலமானது. இந்த விஷயம் குறித்து வழக்குப்பதிவு செய்துள்ள காவல்துறையினர், விசாரணை நடத்தி வருகின்றனர்.
தலைமறைவானவருக்கு வலைவீச்சு:
தீபாவளி அன்று கிருஷ்ணகிரியில் நடந்த இரட்டைக்கொலை சம்பவம், அந்த கிராமத்தில் பெரும் அதிர்ச்சியை பதிவு செய்துள்ளது. தலைமறைவான முருகனுக்கு சாம்பல்பட்டி காவல்துறையினர் வலைவீசி இருக்கின்றனர்.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)