Makkamishi (Photo Credit: YouTube)

ஜூலை 22, சென்னை (Cinema News): ஜெயம் படத்தின் மூலம் தமிழ் சினிமாவிற்கு மாஸ் என்ட்ரி கொடுத்த ரவி, தனது அருமையான நடிப்பால் ஜெயம் ரவியாக (Jayam Ravi) உருவெடுத்தார். தொடர்ந்து தன் அண்ணனுடன் பல்வேறு படங்களில் இணைந்து பல ஹிட் படங்களை கொடுத்தார். கடந்த ஆண்டு வெளியான பிரம்மாண்ட படமான பொன்னியின் செல்வனில், பொன்னியின் செல்வனாக நடித்து அனைவரின் மனதையும் வென்றார். ஆனால் அதன் பின் வெளியான படம் எதுவும் அவருக்கு வெற்றியை கொடுக்கவில்லை.

சொல்லப்போனால் நீண்ட காலமாக வெற்றி படத்தை கொடுக்காமல் உள்ளார். பூமி படத்தில் ஆரம்பித்த தோல்வி இறைவன், அகிலன், சைரன் என்று அவரை படுத்தி எடுத்து வருகிறது. பொன்னியின் செல்வன் என்னதான் வெற்றி படமாக இருந்தாலும், அதில் பல நடிகர்கள் நடித்ததினால், அவரின் தனிப்பட வெற்றியாக அது பார்க்கப்படுவதில்லை.

ஜீனி: இந்நிலையில் ஜெயம் ரவி நடிப்பில் உருவாகி வரும் படம் தான் ஜீனி (Genie). அர்ஜூனன் ஜூனியர் இந்தப் படத்தை இயக்குகிறார். இப்படத்தில் க்ரித்தி ஷெட்டி, கல்யாணி பிரியதர்ஷினி மற்றும் வமிகா கப்பி உள்ளிட்ட நடிகைகள் நடிக்கிறார்கள். ஏ ஆர் ரஹ்மான் இந்தப் படத்திற்கு இசையமைத்து வருகிறார். வேல்ஸ் ஃபிலிம்ஸ் இண்டர்நேஷனல் இந்தப் படத்தை தயாரித்து வருகிறது. இப்படத்தின் ஃபர்ஸ்ட் லுக் (First Look) சிறிது நாட்களுக்கு முன்பு வெளியானது. National Mango Day 2024: "மாம்பழமாம் மாம்பழம் மல்கோவா மாம்பழம் சேலத்து மாம்பழம்" தேசிய மாம்பழ தினம்..!

காதலிக்க நேரமில்லை: தொடர்ந்து கடந்த மாதம் கிருத்திகா உதயநிதி இயக்கத்தில் ஜெயம் ரவி, நித்யா மேனன் நடித்துள்ள ‘காதலிக்க நேரமில்லை’ (Kadhalikka Neramillai) படத்தின் கிளிம்ப்ஸ் வீடியோ வெளியானது. இப்படத்தில் யோகி பாபு, லால், வினய், லக்‌ஷ்மி ராமகிருஷ்ணன், பாடகர் மனோ, ஜான் கோகேன், வினோதினி உள்ளிட்ட பலர் நடிக்கின்றனர். படத்துக்கு ஏ.ஆர்.ரஹ்மான் இசையமைக்கிறார். ரெட் ஜெயன்ட் மூவிஸ் நிறுவனம் படத்தை தயாரிக்கிறது. தொடர்ந்து சில நாட்களுக்கு முன் படத்தின் படப்பிடிப்பு நிறைவடைந்துள்ளதாக படக்குழு தெரிவித்தது.

பிரதர்: அதுமட்டுமின்றி பிரதர் (Brother) என்ற படத்திலும் ஜெயம் ரவி நடித்துள்ளார். ராஜேஷ் இயக்கத்தில் தயாராகி வரும் பிரதர் படத்தின் படப்பிடிப்பு முடிந்த நிலையில் படத்தின் இறுதிக்கட்ட பணிகள் நடந்து வருகின்றன. சரண்யா பொன்வண்ணன், பூமிகா சாவ்லா, பிரியங்கா மோகன், விடிவி.கணேஷ் உள்ளிட்டோர் முக்கிய கதாபாத்திரங்களில் நடித்துள்ளனர். இந்நிலையில், ஹாரிஷ் ஜெயராஜ் இசையில் பிரதர் படத்தின் முதல் பாடல் வெளியாகியுள்ளது. மக்காமிஷி (Makkamishi) என்ற இந்த பாடலை பால் டப்பா எழுதி பாடியுள்ளார். துள்ளலான இசை மற்றும் ஜெயம் ரவியின் அசத்தலான நடனத்தை கொண்ட இந்த பாடல் ரசிகர்களை வெகுவாக கவர்ந்து வருகிறது.