Indian 2 (Photo Credit: @iKamalHassan X)

ஜூலை 12, சென்னை (Cinema News): ஆண்டவர் என்றழைக்கப்படும் கமல்ஹாசன் நடிப்பில் கடந்த 1996-ம் ஆண்டு வெளியான படம் இந்தியன் (Indian). கமல் 2 வேடங்களில் நடித்த இந்த படத்தில் சுகன்யா, மனிஷா கொய்ராலா, செந்தில் கவுண்டமணி உள்ளிட்ட பலர் நடித்திருந்தனர். இந்நிலையில் 28 ஆண்டுகளுக்கு முன்பாக வெளியான இந்தியன் படத்தின் 2ம் பாகமாக இந்தியன் 2 படத்தை ஷங்கர் இயக்கியுள்ளார். இந்த டம் இன்று தியேட்டர்களில் ரிலீஸாகியிருக்கிறது.

இந்தியன் 2: இந்த படத்தில் பிரியா பவானி சங்கர், காஜல் அகர்வால், ரகுல் பிரீத் சிங், சித்தார்த், பாபி சிம்ஹா, சமுத்திரக்கனி உள்ளிட்ட பலர் நடித்துள்ளனர். லைகா மற்றும் ரெட் ஜெயன்ட் நிறுவனம் இணைந்து தயாரித்துள்ள இந்த படத்துக்கு அனிருத் இசையமைத்துள்ளார். விக்ரம் படத்தை கொண்டாடிய கமல்ஹாசன் ரசிகர்கள் இந்தியன் 2 படத்தை "தாத்தா வராரு கதற விடப் போறாரு" என கொண்டாடி வருகின்றனர். World Paper Bag Day 2024: உலக காகிதப் பை தினம்.. காகிதப் பை பயன்படுத்துவதன் நன்மைகள் என்னென்ன?!

ரோபோ சங்கர் பேட்டி: இந்த நிலையில் இந்தியன் 2 படத்தை கரை சேர்க்க, நான் இருக்கிறேன் தலைவா, என கோதாவில் குதித்துள்ளார் ரோபோ சங்கர். உலக நாயகன் கமல்ஹாசனின் பரம ரசிகரான ரோபோ சங்கர், அவரைப் போலவே மிமிக்ரி செய்து பிரபலமானவர் என்பது குறிப்பிடத்தக்கது. இவர் தற்போது இந்தியன் 2 குறித்து பேசியுள்ளதாவது, "இது இந்தியாவே தூக்கிக் கொண்டாடப் போகின்ற படம். ஐந்தாவது தேசிய விருதை எங்களது ஆழ்வார்பேட்டை ஆண்டவர் வாங்கப் போகிறார். ஆஸ்கார் விருது கனவை மீண்டும் உடைக்க போகிறோம். இந்தப் படத்திற்காக உயிரைக் கொடுத்த பலர் வேலை பார்த்துள்ளார்கள் அந்த வெற்றியின் ஆரம்பம் இது. எப்படியும் 1500 கோடி வசூல் பண்ணிடும்."என்றார்.