Onion Bomb Blast: வெங்காய வெடி வெடித்துச் சிதறி சோகம்; இளைஞர் உடல் சிதறி மரணம்.. பதறவைக்கும் காட்சிகள்.!

நவம்பர் 01, ஏலூரு (Andhra Pradesh News): ஆந்திரப்பிரதேசம் மாநிலத்தில் உள்ள ஏலூரு (Eluru Onion Bomb Blast) மாவட்டம், கங்கம்மா கோவில் தெருவில் ஐந்து பேர் கொண்ட இளைஞர்கள் நேற்று நின்று பேசிக்கொண்டு இருந்தனர். அச்சமயம், பெரிய அளவிலான சாக்கு பையில், வெங்காய வெடிகள் மூட்டை ஒன்றை கட்டிக்கொண்டு, இருசக்கர வாகனத்தில் இரண்டு பேர் பயணம் செய்தனர். Shocking Video: நாயின் வாலில் பட்டாசு வைத்து கொடுமை; தீபாவளி கொண்டாட்டத்தில் கேடு செய்த இளைஞன்..! 

இளைஞர் பரிதாப பலி:

தெருமுனை இளைஞர்களுக்கு அருகே இருசக்கர வாகனம் சென்ற போது, அங்கிருந்த பள்ளம் ஒன்றில் வாகனம் ஏறி இறங்கியுள்ளது. இந்த சம்பவத்தில் மூட்டையில் திடீரென அழுத்தம் அதிகமாகி, வெங்காயம் வெடிகள் வெடித்துச்சிதறி விபத்து ஏற்பட்டது. இந்த கோர விபத்தில் வெங்காய வெடிகளை மடியில் வைத்திருந்த சுதாகர் என்ற இளைஞர், உடல் இடுப்புக்கு கீழ், கால்கள் என பல துண்டாகி வெடித்து சிதறி நிகழ்விடத்திலேயே பரிதாபமாக உயிரிழந்தார்.

காவல்துறையினர் விசாரணை:

மேலும், இருசக்கர வாகனத்தில் சென்ற மற்றொருவர், இளைஞர்கள் 5 பேர் என மொத்தமாக 6 பேர் படுகாயம் அடைந்தனர். இவர்கள் அனைவரும் மருத்துவமனையில் சிகிச்சைக்காக அனுமதி செய்யப்பட்டுள்ளனர். இந்த விஷயம் தொடர்பாக காவல்துறையினர் மேற்கொண்ட முதற்கட்ட விசாரணையில், வெங்காய வெடிகளை ஏற்றிச் சென்றபோது இருசக்கர வாகனம் பள்ளத்தில் ஏறி இறங்கியதில் திடீர் உராய்வு ஏற்பட்டு அவை வெடித்து சிதறியது அம்பலமானது. இந்த விஷயம் குறித்து காவல்துறையினர் தொடர்ந்து விசாரணை நடத்தி வரும் நிலையில், இது தொடர்பான பதைபதைப்பு வீடியோ காட்சிகள் சமூகவலைதளங்களில் வெளியாகி வைரலாகி வருகிறது.

நாட்டு வெடிகளை எடுத்துச் சென்றபோது, அவை வெடித்த பதைபதைப்பு காணொளி: