Ragi Paal Kolukkattai Recipe (Photo Credit: YouTube)

பிப்ரவரி 06, சென்னை (Kitchen Tips): இனிப்பு பிரியர்களுக்காக பலவிதமான ரெசிபிகள் உள்ளன. அந்தவகையில், வீட்டிலேயே சுவையான ராகி பால் கொழுக்கட்டை எப்படி செய்வது என்பதனை இப்பதிவில் பார்ப்போம். இதனை குழந்தைகள் முதல் பெரியவர்கள் வரை அனைவரும் விரும்பி சாப்பிடுவர். Coconut Halwa Recipe: தேங்காய் அல்வா செய்வது எப்படி..? ரெசிபி டிப்ஸ் இதோ..!

தேவையான பொருட்கள்:

ராகி மாவு - 2 கப்

வெல்லம் - 1 கப்

தேங்காய் பால் - 1 கப்

ஏலக்காய் தூள் - 1 தேக்கரண்டி

துருவிய தேங்காய் - 1 கைப்பிடி

உப்பு - சிறிதளவு

செய்முறை:

  • முதலில் பவுலில் ராகி மாவு 2 கப் எடுத்துக் கொள்ளவும். அதில், உப்பு சேர்த்து கலந்துவிட்ட பிறகு சுடு தண்ணீரை சிறிது சிறிதாக ஊற்றி மாவை சாப்பாத்தி மாவு பதத்திற்கு நன்றாக பிசைந்துக் கொள்ள வேண்டும்.

  • இப்போது அடுப்பில் 2 டம்ளர் தண்ணீர் வைத்து நன்றாக கொதித்த பின், அதில் மாவை சிறிது சிறிதாக பால் போன்று உருட்டி போட்டு 10 நிமிடம் வேகவிடவும். இதில், ஏலக்காய் தூள் 1 தேக்கரண்டி சேர்த்து, வெல்லம் 1 கப் சேர்த்து நன்றாக கரையும் வரை விடவும்.

  • தேங்காய் 1 கப் எடுத்து மிக்ஸியில் சிறிது தண்ணீர் விட்டு அரைத்து, பாலை எடுத்து கொழுக்கட்டையில் கலந்துவிடவும். இறுதியாக, துருவிய தேங்காய் 1 கைப்பிடி தூவி இறக்கினால் சுவையான ராகி பால் கொழுக்கட்டை ரெடி.