QuickLY
Socially
ஜூலை 25, அகமதாபாத் (Gujarat News): குஜராத் மாநிலத்தில் உள்ள அகமதாபாத், நவரங்புராவில் சோம் லலித் பள்ளி செயல்பட்டு வருகிறது. இப்பள்ளியில் பயின்று வந்த 10ஆம் வகுப்பு மாணவி நான்காவது மாடியில் இருந்து குதித்து தற்கொலை செய்து கொண்ட அதிர்ச்சி சம்பவம் நிகழ்ந்துள்ளது. நேற்று வழக்கம்போல பள்ளிக்கு சென்ற மாணவி இடைவேளையின் போது பள்ளி கட்டிடத்தின் நான்காவது மாடியில் நடந்து சென்றுள்ளார். அப்போது கையில் சாவியை சுழற்றியபடி அமைதியாக சென்றவர் திடீரென யாரும் எதிர்பாராத தருணத்தில் கீழே குதித்து தற்கொலை செய்து கொண்டார். வரதட்சணை கேட்டு 8 மாத குழந்தையை தலைகீழாக தொங்கவிட்ட தந்தை.. பதறவைக்கும் வீடியோ.!
மாணவி மருத்துவமனையில் அனுமதி :
அவரை பிடிக்க சக மாணவிகள் ஓடிவந்த நிலையில் அவரை காப்பாற்ற இயலவில்லை. இதனைக்கண்டு அதிர்ந்த பள்ளி மாணவிகள் உடனடியாக ஆசிரியர்களுக்கு தகவல் தெரிவித்துள்ளனர். அவர்கள் விரைந்து உயிருக்கு ஆபத்தான நிலையில் தலை, கை, கால்களில் பலத்த காயமடைந்த மாணவியை அருகில் உள்ள மருத்துவமனையில் தீவிர சிகிச்சை பிரிவில் அனுமதித்துள்ளனர். இதனை தொடர்ந்து காவல்துறையினருக்கும் தகவல் தெரிவிக்கப்படவே, சம்பவ இடத்திற்கு விரைந்த காவல்துறையினர் விசாரணை மேற்கொண்டு வந்தனர்.
போலீசார் விசாரணை :
இதனிடையே மாணவி சிகிச்சை பலனின்றி பரிதாபமாக உயிரிழந்தார். மாணவி உயிரிழந்தது தொடர்பான சிசிடிவி காட்சிகளை போலீசார் ஆராய்ந்த நிலையில், மாணவி தற்கொலை செய்யும் எண்ணத்தில் சென்றவாறு தெரியவில்லை என்பதால் மனநலம் சார்ந்த பிரச்சினைகளை அவர் எதிர்கொண்டாரா? என்ற கோணத்துடன் விசாரணை மேற்கொண்டுள்ளனர். இந்த சம்பவம் பரபரப்பை ஏற்படுத்தியுள்ளது. மேலும் மாணவி தற்கொலை செய்துகொண்ட வீடியோ இணையத்தில் வெளியாகியுள்ளது.
பள்ளி மாணவி தற்கொலை செய்துகொண்ட பதறவைக்கும் வீடியோ:
#Gujarat #Ahmedabad tragedy: A 16‑year‑old Class 10 student at Som Lalit School jumped from the 4th floor lobby during recess on July 24. CCTV showed her twirling a keychain moments before. Friends tried to stop her, but she jumped. 1/2 pic.twitter.com/Whu6R6jwMt
— Siraj Noorani (@sirajnoorani) July 25, 2025
தற்கொலை தடுப்பு மற்றும் மனநல உதவி எண்கள்:
டெலி மனாஸ் (Tele Manas) சுகாதார அமைச்சகம் - 14416 அல்லது 1800 891 4416; நிம்ஹான்ஸ் (NIMHANS) + 91 80 26995000 / 5100 / 5200 / 5300 / 5400; பீக் மைண்ட் (Peak Mind) - 080 456 87786; வந்த்ரேவாலா அறக்கட்டளை - 9999 666 555; அர்பிதா தற்கொலை தடுப்பு உதவி எண் - 080-23655557; iCALL - 022-25521111 மற்றும் 9152987821; COOJ மனநல அறக்கட்டளை - 0832-2252525, தற்கொலை தடுப்பு மையம் கோயம்புத்தூர் - 0422-2300999, சினேகா தற்கொலை தடுப்பு மையம் சென்னை - +91 44 2464 0060 மற்றும் +91 44 2464 0050..
