ENG Vs IND 2nd Test, Day 1: ஜெய்ஸ்வால் அரைசதம் விளாசல்.. இந்தியா 98 ரன்னுக்கு 2 விக்கெட் இழப்பு..!
இங்கிலாந்து எதிர் இந்தியா அணிகள் மோதும் 2வது டெஸ்ட் போட்டியின், முதல் நாள் மதிய உணவு இடைவேளை வரை இந்தியா 2 விக்கெட்களை இழந்து 98 ரன்கள் அடித்துள்ளது.
ஜூலை 02, பிர்மிங்ஹாம் (Sports News): இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு, 5 போட்டிகள் கொண்ட டெஸ்ட் தொடரில் விளையாடி வருகிறது. இத்தொடருக்கு, ஆண்டர்சன் - டெண்டுல்கர் டிராபி (Anderson-Tendulkar Trophy) என பெயரிடப்பட்டுள்ளது. இங்கிலாந்து - இந்தியா அணிகள் மோதும் 5 போட்டிகள் கொண்ட டெஸ்ட் தொடர், ஜியோ ஹாட்ஸ்டார் (Jio Hotstar) நேரடி ஒளிபரப்பு செய்கிறது. அனைத்து போட்டிகளும், இந்திய நேரப்படி பிற்பகல் 3.30 மணிக்கு தொடங்குகிறது. லீட்ஸ் மைதானத்தில் நடந்த முதல் டெஸ்ட் போட்டியில், இங்கிலாந்து அணி 5 விக்கெட் வித்தியாசத்தில் வெற்றி பெற்றது. இந்நிலையில், இன்று (ஜூலை 02) இங்கிலாந்து - இந்தியா அணிகள் (ENG Vs IND 2nd Test) மோதும் 2வது டெஸ்ட் போட்டி பிர்மிங்ஹாமில் நடைபெறுகிறது. ENG Vs IND 2nd Test, Toss: இந்தியாவிற்கு எதிரான 2வது டெஸ்ட்.. இங்கிலாந்து டாஸ் வென்று பவுலிங் தேர்வு..!
இங்கிலாந்து எதிர் இந்தியா (England Vs India):
சுப்மன் கில் தலைமையிலான இந்திய அணி பென் ஸ்டோக்ஸ் தலைமையிலான இங்கிலாந்து அணியை எதிர்கொள்கிறது. இப்போட்டியில், டாஸ் வென்ற இங்கிலாந்து அணியின் கேப்டன் பென் ஸ்டோக்ஸ் முதலில் பவுலிங்கை தேர்வு செய்தார். அதன்படி, முதலில் களமிறங்கிய இந்திய அணிக்கு ஆரம்பத்தில் கேஎல் ராகுல் 26 பந்துகளில் 2 ரன்கள் அடித்து அவுட்டானார். நிதானமாக விளையாடி வந்த கருண் நாயர் 31 ரன்னில் நடையை கட்டினார். முதல் நாள் மதிய உணவு இடைவேளை வரை இந்தியா 25 ஓவர்களில் 2 விக்கெட்களை இழந்து 98 ரன்கள் அடித்துள்ளது. ஜெய்ஸ்வால் 69 பந்துகளில் 62* ரன்கள், கேப்டன் கில் 1* ரன்னுடன் களத்தில் உள்ளனர்.
இங்கிலாந்து (பிளேயிங் லெவன்):
ஜாக் க்ராலி, பென் டக்கெட், ஒல்லி போப், ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜேமி ஸ்மித், கிறிஸ் வோக்ஸ், பிரைடன் கார்ஸ், ஜோஷ் டங்கு, சோயிப் பஷீர்.
இந்தியா (பிளேயிங் லெவன்):
யஷஸ்வி ஜெய்ஸ்வால், கேஎல் ராகுல், கருண் நாயர், ஷுப்மன் கில் (கேப்டன்), ரிஷப் பந்த், நிதிஷ் குமார் ரெட்டி, ரவீந்திர ஜடேஜா, வாசிங்டன் சுந்தர், ஆகாஷ் தீப், முகமது சிராஜ், பிரசித் கிருஷ்ணா.
(The above story first appeared on LatestLY on Jul 02, 2025 05:46 PM IST. For more news and updates on politics, world, sports, entertainment and lifestyle, log on to our website latestly.com).
