ENG Vs IND 4th Test, Day 3: ஜோ ரூட் அபார சதம்.. இங்கிலாந்து அணி 186 ரன்கள் முன்னிலை..!
இங்கிலாந்து எதிர் இந்தியா அணிகள் மோதும் 4வது டெஸ்ட் போட்டியின், 3ஆம் நாள் ஆட்டநேர முடிவில், இங்கிலாந்து அணி 7 விக்கெட்களை இழந்து 544 ரன்கள் அடித்துள்ளது.
ஜூலை 25, மான்செஸ்டர் (Sports News): இங்கிலாந்தில் சுற்றுப்பயணம் மேற்கொண்டுள்ள இந்திய கிரிக்கெட் அணி 5 போட்டிகள் கொண்ட டெஸ்ட் தொடரில் விளையாடி வருகிறது. இத்தொடருக்கு, ஆண்டர்சன் - டெண்டுல்கர் டிராபி (Anderson-Tendulkar Trophy) என பெயரிடப்பட்டுள்ளது. இங்கிலாந்து - இந்தியா அணிகள் மோதும் 5 போட்டிகள் கொண்ட டெஸ்ட் தொடரை, ஜியோ ஹாட்ஸ்டாரில் (Jio Hotstar) நேரலையில் பார்க்கலாம். அனைத்து போட்டிகளும், இந்திய நேரப்படி பிற்பகல் 3.30 மணிக்கு தொடங்குகிறது. நடந்து முடிந்த 3 போட்டிகள் முடிவில், 2-1 என இங்கிலாந்து முன்னிலையில் உள்ளது. ENG Vs IND 4th Test, Day 3: ஓல்லி போப் - ஜோ ரூட் இணை அபாரம்.. இங்கிலாந்து நிலையான ஆட்டம்..!
இங்கிலாந்து எதிர் இந்தியா (England Vs India):
இந்நிலையில், நேற்று முன்தினம் (ஜூலை 23) இங்கிலாந்து - இந்தியா அணிகள் (ENG Vs IND) மோதும் 4வது டெஸ்ட் போட்டி ஓல்ட் டிராஃபோர்ட், மான்செஸ்டரில் தொடங்கியது. இப்போட்டியில், டாஸ் வென்ற இங்கிலாந்து அணியின் கேப்டன் பென் ஸ்டோக்ஸ் முதலில் பவுலிங்கை தேர்வு செய்தார். அதன்படி, முதலில் களமிறங்கிய இந்திய அணி முதல் இன்னிங்ஸில் 114.1 ஓவர்களில் 358 ரன்களுக்கு ஆல் அவுட் ஆனது. அதிகபட்சமாக சாய் சுதர்சன் 61, ஜெய்ஸ்வால் 58, ரிஷப் பந்த் 54 ரன்கள் அடித்தனர். இங்கிலாந்து சார்பில் அதிகபட்சமாக கேப்டன் பென் ஸ்டோக்ஸ் 5 விக்கெட்களை வீழ்த்தினார்.
இங்கிலாந்து அபார பேட்டிங்:
இதனையடுத்து களமிறங்கிய இங்கிலாந்து அணி அதிரடியாக விளையாடியது. 2ஆம் நாள் ஆட்டநேர முடிவில், இங்கிலாந்து 2 விக்கெட்களை இழந்து 225 ரன்கள் அடித்தது. இந்நிலையில், இன்று 3ஆம் நாள் ஆட்டம் தொடங்கியது. ஓல்லி போப் - ஜோ ரூட் இணை நிலையான ஆட்டத்தை வெளிப்படுத்தினர். பொறுமையாக விளையாடிய ஒல்லி போப் 71 ரன்களில் அவுட்டானார். அடுத்து வந்த ஹரி புரூக் 3 ரன்னில் நடையை கட்டினார். இதன்பின்னர், ஜோ ரூட் நிலைத்து நின்று விளையாடி 150 ரன்களில் ஜடேஜா பந்தில் விக்கெட்டை இழந்தார். அடுத்து ஜேமி ஸ்மித் 9, கிறிஸ் வோக்ஸ் 4 ரன்னிலும் பெவிலியன் திரும்பினர். காயத்தால் பாதியில் வெளியேறிய ஸ்டோக்ஸ் மீண்டும் களமிறங்கிய 77* ரன்கள், லியாம் டாசன் 21* ரன்களுடன் களத்தில் உள்ளனர். 3ஆம் நாள் ஆட்டநேர முடிவில், இங்கிலாந்து அணி 7 விக்கெட்களை இழந்து 544 ரன்கள் அடித்து, 186 ரன்கள் முன்னிலையில் உள்ளது.
இங்கிலாந்து (பிளேயிங் லெவன்):
ஜாக் க்ராலி, பென் டக்கெட், ஒல்லி போப், ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜேமி ஸ்மித், லியாம் டாசன், கிறிஸ் வோக்ஸ், பிரைடன் கார்ஸ், ஜோஃப்ரா ஆர்ச்சர்.
இந்தியா (பிளேயிங் லெவன்):
யஷஸ்வி ஜெய்ஸ்வால், கே.எல். ராகுல், சாய் சுதர்சன், ஷுப்மன் கில் (கேப்டன்), ரிஷப் பந்த், ரவீந்திர ஜடேஜா, வாஷிங்டன் சுந்தர், ஷர்துல் தாக்கூர், ஜஸ்பிரித் பும்ரா, முகமது சிராஜ், அன்ஷுல் கம்போஜ்.
(The above story first appeared on LatestLY on Aug 17, 5315 05:53 PM IST. For more news and updates on politics, world, sports, entertainment and lifestyle, log on to our website latestly.com).
