SLW Vs NZW, Toss (Photo Credit: @ThePapareSports X)

அக்டோபர் 14, கொழும்பு (Sports News): ஐசிசி மகளிர் உலகக் கோப்பை ஒருநாள் கிரிக்கெட் தொடர் 2025 (ICC Women's Cricket World Cup 2025), கடந்த செப்டம்பர் 30ஆம் தேதி தொடங்கி நடைபெற்று வருகிறது. மொத்தம் 8 அணிகள் பங்கேற்றுள்ள இத்தொடரில், இன்று (அக்டோபர் 14) இலங்கை மகளிர் அணி - நியூசிலாந்து மகளிர் அணிகள் மோதும் 15வது லீக் போட்டி, இலங்கையில் உள்ள கொழும்புவில் நடைபெறுகிறது. இத்தொடர், ஸ்டார் ஸ்போர்ட்ஸ் மற்றும் ஜியோ ஹாட்ஸ்டார் ஓடிடி செயலியில் ஒளிபரப்பு செய்யப்படுகிறது. IND Vs WI India Victory: அசத்திய கே.எல். ராகுல்.. இந்தியா Vs வெஸ்ட் இண்டீஸ் கிரிக்கெட் போட்டியில் இந்தியா மாஸ் வெற்றி.!

இலங்கை மகளிர் அணி எதிர் நியூசிலாந்து மகளிர் அணி (Sri Lanka Women Vs New Zealand Women):

சாமரி அத்தபத்து தலைமையிலான இலங்கை மகளிர் அணி, சோஃபி டெவின் தலைமையிலான நியூசிலாந்து மகளிர் அணியை எதிர்கொள்கிறது. இலங்கை அணி 3 போட்டியில் விளையாடி ஒரு வெற்றியை கூட பதிவு செய்யவில்லை. மறுபுறம், நியூசிலாந்து மகளிர் அணி 3 போட்டிகளில் விளையாடி 1 வெற்றியை பதிவு செய்துள்ளது. இப்போட்டியில், டாஸ் வென்ற இலங்கை மகளிர் அணியின் கேப்டன் சாமரி அத்தபத்து முதலில் பேட்டிங்கை தேர்வு செய்துள்ளார்.

இலங்கை மகளிர் அணி:

ஹாசினி பெரேரா, சாமரி அத்தபத்து (கேப்டன்), விஷ்மி குணரத்ன, ஹர்ஷிதா சமரவிக்ரம, கவிஷா தில்ஹாரி, நிலக்ஷி டி சில்வா, அனுஷ்கா சஞ்சீவனி, பியூமி வத்சலா படல்கே, சுகந்திகா குமாரி, மல்கி மதரா, இனோகா ரணவீர.

நியூசிலாந்து மகளிர் அணி:

சூசி பேட்ஸ், ஜார்ஜியா பிளிம்மர், அமெலியா கெர், சோஃபி டெவின் (கேப்டன்), ப்ரூக் ஹாலிடே, மேடி கிரீன், இசபெல்லா கேஸ், ஜெஸ் கெர், ரோஸ்மேரி மெய்ர், ப்ரீ இல்லிங், ஈடன் கார்சன்.