IND Vs NZ 2nd Test: இரண்டாம் நாள் ஆட்டநேர முடிவு; நியூசிலாந்து அணி 301 ரன்கள் முன்னிலை..!
இந்தியா-நியூசிலாந்து 2வது டெஸ்ட் போட்டியின் இரண்டாம் நாள் ஆட்டநேர முடிவில் நியூசிலாந்து அணி 301 ரன்கள் முன்னிலை வகிக்கிறது.
அக்டோபர் 25, புனே (Sports News): இந்தியாவில் சுற்றுப்பயணம் மேற்கொண்டுள்ள நியூசிலாந்து கிரிக்கெட் அணி 3 போட்டிகள் கொண்ட டெஸ்ட் தொடரில் விளையாடி வருகிறது. முதலாவது டெஸ்டில் நியூசிலாந்து அணி 8 விக்கெட் வித்தியாசத்தில் வெற்றி பெற்றது. இந்நிலையில், நேற்று (அக்டோபர் 24) இந்தியா - நியூசிலாந்து (IND Vs NZ 2nd Test, Day 2) அணிகள் இடையிலான 2வது டெஸ்ட் போட்டி புனேயில் (Pune) தொடங்கியது. இதில், டாஸ் வென்று முதலில் ஆடிய நியூசிலாந்து அணி 259 ரன்களுக்கு ஆல் அவுட் ஆனது. இதனையடுத்து, களமிறங்கிய இந்திய அணிக்கு ரோஹித் சர்மா (Rohit Sharma) டக் அவுட்டாகி அதிர்ச்சியளித்தார். முதல் நாள் ஆட்ட நேர முடிவில் இந்தியா 1 விக்கெட்டை இழந்து 16 ரன்கள் அடித்திருந்தது. IND Vs NZ 2nd Test: முதல் இன்னிங்ஸில் 156 ரன்களுக்கு சுருண்ட இந்தியா.. சான்ட்னர் 7 விக்கெட்களை வீழ்த்தி அசத்தல்..!
இந்நிலையில், இரண்டாம் நாள் ஆட்டம் இன்று தொடங்கியது. இதில், ஆரம்பத்தில் நிதானமாக விளையாடி வந்த ஜெய்ஸ்வால், கில் அடுத்தடுத்து விக்கெட்டை பறிகொடுத்தனர். அடுத்து வந்த விராட் கோலி (Virat Kohli) 1 ரன்னில் சான்ட்னர் பந்தில் போல்டானார். இதனையடுத்து வந்த பேட்ஸ்மேன்கள் ரிஷப் பண்ட் 18, சர்பராஸ் கான் 11, அஸ்வின், 4 அடுத்தடுத்து பெவிலியன் நோக்கி திரும்பினர். இறுதியாக, இந்தியா 45.3 ஓவர்களில் 156 ரன்களுக்கு ஆல் அவுட் ஆனது. அதிகபட்சமாக ஜடேஜா 38 ரன்கள் அடித்தார்.
நியூசிலாந்து அணி தரப்பில் மிட்செல் சான்ட்னர் (Mitchell Santner) அபாரமாக பந்துவீசி 7 விக்கெட்களை வீழ்த்தினார். மேலும், பிலிப்ஸ் 2 மற்றும் சவுதி 1 விக்கெட்களை வீழ்த்தினர். நியூசிலாந்து அணி 103 ரன்கள் முன்னிலையுடன் இரண்டாவது இன்னிங்ஸை தொடங்கியது. ஆரம்பத்தில் இருந்தே அதிரடியாகவும், அதே வேளையில் பொறுமையாகவும் கேப்டன் டாம் லதாம் (Tom Latham) ரன்களை குவித்தார். மறுபுறம் சீரான இடைவெளியில் விக்கெட்களை இழந்தாலும், லதாம் நிலைத்து நின்று விளையாடி அரைசதம் கடந்து 86 ரன்னில் அவுட்டானார். இரண்டாம் நாள் ஆட்டநேர முடிவில் நியூசிலாந்து அணி 53 ஓவர்களில் 5 விக்கெட்டை இழந்து 198 ரன்கள் அடித்துள்ளது. இதன் மூலம் 301 ரன்கள் முன்னிலை வகிக்கிறது. இந்தியா சார்பில் சுந்தர் 4, அஸ்வின் 1 விக்கெட்களை வீழ்த்தியுள்ளனர்.
டாம் லதாம் விக்கெட்டை வீழ்த்திய சுந்தர்:
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)
Tags
தொடர்புடைய செய்திகள்
TNUSRB SI Recruitment 2025: தமிழக காவல்துறையில் 1299 எஸ்ஐ காலிப்பணியிடங்கள்.. வெளியான முக்கிய அறிவிப்பு..!
Microsoft 50th Anniversary: 'மைக்ரோசாப்ட்' தொடங்கி 50 ஆண்டுகள் நிறைவு.. நினைவுகளை பகிர்ந்த பில்கேட்ஸ்..!
வானிலை: 16 மாவட்டங்களுக்கு கனமழை எச்சரிக்கை.. வானிலை மையம் அறிவிப்பு..!
TN Govt Schools: சினிமா பாடலுக்கு நடனமாட தடை.. தமிழக அரசு அதிரடி..!
