PAK Vs SA, 1st T20I: தென்னாப்பிரிக்கா அபார பேட்டிங்.. பாகிஸ்தான் வெற்றிக்கு இமாலய இலக்கு..!
பாகிஸ்தான் எதிர் தென்னாப்பிரிக்கா (PAK Vs SA T20I) அணிகள் மோதும் முதலாவது டி20ஐ போட்டியில், முதலில் பேட்டிங் செய்த தென்னாப்பிரிக்கா அணி 20 ஓவர்களில் 194 ரன்கள் அடித்துள்ளது.
அக்டோபர் 28, ராவல்பிண்டி (Sports News): தென்னாப்பிரிக்கா கிரிக்கெட் அணி பாகிஸ்தானில் சுற்றுப்பயணம் மேற்கொண்டு, 2 டெஸ்ட் போட்டி, 3 டி20 மற்றும் ஒருநாள் தொடரில் விளையாடி வருகிறது. நடந்து முடிந்த டெஸ்ட் தொடர் 1-1 என சமனில் முடிந்தது. இந்நிலையில், பாகிஸ்தான் - தென்னாப்பிரிக்கா (PAK Vs SA) அணிகள் மோதும் முதலாவது டி20ஐ போட்டி, இன்று (அக்டோபர் 28) ராவல்பிண்டி கிரிக்கெட் மைதானத்தில் நடைபெறுகிறது. இந்திய நேரப்படி இரவு 8.30 மணிக்கு போட்டி தொடங்கியது. PAK Vs SA 1st T20I, Toss: பாகிஸ்தான் - தென்னாப்பிரிக்கா முதல் டி20ஐ.. பாகிஸ்தான் டாஸ் வென்று பவுலிங் தேர்வு..!
பாகிஸ்தான் எதிர் தென்னாப்பிரிக்கா (Pakistan Vs South Africa):
சல்மான் ஆகா தலைமையிலான பாகிஸ்தான் அணி, டோனோவன் ஃபெரீரா தலைமையிலான தென்னாப்பிரிக்கா அணியை எதிர்கொள்கிறது. இப்போட்டியில், டாஸ் வென்ற பாகிஸ்தான் அணியின் கேப்டன் சல்மான் ஆகா முதலில் பவுலிங்கை தேர்வு செய்தார். அதன்படி, முதலில் களமிறங்கிய தென்னாப்பிரிக்கா அணி 20 ஓவர்களில் 9 விக்கெட்களை இழந்து 194 ரன்கள் அடித்தது. அதிகபட்சமாக ரீசா ஹென்ட்ரிக்ஸ் 60 ரன்கள் அடித்தார். பாகிஸ்தான் சார்பில் முகமது நவாஸ் 3 விக்கெட்களை வீழ்த்தினார்.
பாகிஸ்தான் அணி வீரர்கள்:
சைம் அயூப், சாஹிப்சாதா ஃபர்ஹான், பாபர் அசாம், சல்மான் ஆகா (கேப்டன்), உஸ்மான் கான், ஹசன் நவாஸ், முகமது நவாஸ், ஃபஹீம் அஷ்ரப், ஷாஹீன் அப்ரிடி, நசீம் ஷா, அப்ரார் அகமது.
தென்னாப்பிரிக்கா அணி வீரர்கள்:
குயின்டன் டி காக், ரீசா ஹென்ட்ரிக்ஸ், டோனி டி ஜோர்ஜி, டெவால்ட் ப்ரீவிஸ், மேத்யூ ப்ரீட்ஸ்கே, டோனோவன் ஃபெரீரா (கேப்டன்), ஜார்ஜ் லிண்டே, கார்பின் போஷ், லிசாட் வில்லியம்ஸ், நந்த்ரே பர்கர், லுங்கி என்கிடி.
(The above story first appeared on LatestLY on Oct 28, 2025 10:26 PM IST. For more news and updates on politics, world, sports, entertainment and lifestyle, log on to our website latestly.com).
