SL Vs BAN 1st Test, Day 3: பதும் நிசங்கா அபார சதம்.. இலங்கை 368 ரன்கள் குவிப்பு..!

ஜூன் 19, காலி (Sports News): வங்கதேசம் கிரிக்கெட் அணி இலங்கையில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் (SL Vs BAN Test Series 2025) விளையாடி வருகிறது. முதல் டெஸ்ட் போட்டி ஜூன் 17 முதல் ஜூன் 21ஆம் தேதி வரையும், 2வது டெஸ்ட் போட்டி, ஜூன் 25 முதல் 29ஆம் தேதி வரை நடைபெறுகிறது. இந்த டெஸ்ட் தொடரை, சோனி லிவ் தொலைக்காட்சி, பேன்கோடு இணையதளம் மற்றும் ஆப்பில் நேரலையில் (SL Vs BAN Test Live Streaming) பார்க்கலாம். நேற்று முன்தினம் (ஜூன் 17) முதல் டெஸ்ட் போட்டி (SL Vs BAN 1st Test) இந்திய நேரப்படி காலை 10 மணிக்கு தொடங்கியது. இதில், வங்கதேச அணியின் கேப்டன் நஜ்முல் ஹொசைன் சாண்டோ டாஸ் வென்று முதலில் பேட்டிங்கை தேர்வு செய்தார். SL Vs BAN 1st Test, Day 2: வலுவான நிலையில் வங்கதேசம்.. முஷ்பிகுர் ரஹீம் சதமடித்து அசத்தல்..!

இலங்கை எதிர் வங்கதேசம் (Sri Lanka Vs Bangladesh):

அதன்படி, முதலில் களமிறங்கிய வங்கதேச அணிக்கு அனாமுல் ஹக் 10 பந்துகள் விளையாடி 0 ரன்னிலும், ஷத்மான் இஸ்லாம் 14 ரன்னிலும் து அவுட்டாகினர். தொடர்ந்து, மொமினுல் ஹக் 29 ரன்னில் நடையை கட்டினார். இதனையடுத்து, கேப்டன் சாண்டோ மற்றும் முஷ்பிகுர் ரஹீம் ஜோடி சேர்ந்து அணியை சரிவில் இருந்து மீட்டனர். இருவரும் நிதானமாக விளையாடி சதமடித்து அசத்தினர். முதல் நாள் ஆட்டநேர முடிவில், வங்கதேச அணி 90 ஓவர்களில் 3 விக்கெட்களை இழந்து 292 ரன்கள் அடித்துள்ளது. சாண்டோ 260 பந்துகளில் 136* ரன்கள், முஷ்பிகுர் ரஹீம் 186 பந்துகளில் 105* ரன்களுடன் களத்தில் இருந்தனர்.

வங்கதேசம் அபாரமான பேட்டிங்:

இந்நிலையில், 2ஆம் நாள் ஆட்டத்தில் நிலைத்து நின்று விளையாடிய கேப்டன் சாண்டோ 148 ரன்களில் அவுட்டாகினர். இதன்பின்னர், முஷ்பிகுர் ரஹீம் 163 ரன்னிலும், லிட்டன் தாஸ் 90 ரன்னிலும் அடுத்தடுத்து விக்கெட்டை இழந்தனர். அடுத்த வந்த வீரர்கள் சொற்ப ரன்களில் வெளியேற, வங்கதேச அணி 151 ஓவர்களில் 9 விக்கெட்களை இழந்து 484 ரன்கள் அடித்தது. போதிய வெளிச்சமின்மை காரணமாக 2ஆம் நாள் ஆட்டம் முடிவுக்கு வந்தது.

பதும் நிசங்கா சதமடித்து அசத்தல்:

இந்நிலையில், 3ஆம் நாள் ஆட்டம் இன்று தொடங்கியது. ஆரம்பத்திலேயே மீதமுள்ள ஒரு விக்கெட்டை இழந்து, முதல் இன்னிங்ஸில் 153.4 ஓவர்கள் விளையாடி 495 ரன்களுக்கு ஆல் அவுட் ஆனது. இதனையடுத்து, களமிறங்கிய இலங்கை அணிக்கு லஹிரு உதார 29 ரன்னில் அவுட்டாகினார். அடுத்து ஜோடி சேர்ந்த பதும் நிசங்கா - தினேஷ் சண்டிமால் நிதானமாக விளையாடினர். அப்போது, சண்டிமால் அரைசதம் (54 ரன்கள்) கடந்து அவுட்டானார். அடுத்து வந்த ஏஞ்சலோ மேத்யூஸ் 39 ரன்கள் சேர்த்து விக்கெட்டை இழந்தார். நிதானமாக விளையாடிய பதும் நிசங்கா சதமடித்து 187 ரன்னில் அவுட்டானார். 3ஆம் நாள் ஆட்டநேர முடிவில் இலங்கை அணி 93 ஓவர்களில் 4 விக்கெட்களை இழந்து 368 ரன்கள் அடித்துள்ளது. கமிந்து மெண்டிஸ் 37*, தனஞ்சய டி சில்வா 17* ரன்னுடன் களத்தில் உள்ளனர்.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)