AUS Vs SA 2nd T20I: ஆஸ்திரேலியா - தென்னாப்பிரிக்கா 2வது டி20 போட்டி.. நாளை பலப்பரீட்சை..!
ஆஸ்திரேலியா எதிர் தென்னாப்பிரிக்கா (AUS VS SA T20I) அணிகள் மோதும் 2வது டி20 போட்டி, நாளை (ஆகஸ்ட் 12) டார்வினில் உள்ள மார்ராரா கிரிக்கெட் மைதானத்தில் நடைபெறவுள்ளது.
ஆகஸ்ட் 11, டார்வின் (Sports News): ஆஸ்திரேலியாவில் சுற்றுப்பயணம் மேற்கொண்டுள்ள தென்னாப்பிரிக்க கிரிக்கெட் அணி 3 போட்டிகள் கொண்ட டி20 தொடரில் விளையாடி வருகிறது. இதில் நடந்து முடிந்த முதல் டி20 போட்டியில், ஆஸ்திரேலிய அணி 17 ரன்கள் வித்தியாசத்தில் வெற்றி பெற்று தொடரில் 1-0 என முன்னிலை வகிக்கிறது. இந்நிலையில், ஆஸ்திரேலியா - தென்னாப்பிரிக்கா (AUS Vs SA) அணிகளுக்கு இடையேயான 2வது டி20 போட்டி, நாளை (ஆகஸ்ட் 12) டார்வின் நகரில் உள்ள மர்ராரா கிரிக்கெட் மைதானத்தில் நடைபெறவுள்ளது. இப்போட்டி இந்திய நேரப்படி பிற்பகல் 2:45 மணிக்குத் தொடங்கும். WI Vs PAK 3rd ODI: வெஸ்ட் இண்டீஸ் - பாகிஸ்தான் 3வது ஒருநாள் போட்டி.. தொடரை வெல்ல போவது யார்..?
ஆஸ்திரேலியா எதிர் தென்னாப்பிரிக்கா (Australia Vs South Africa):
மிட்செல் மார்ஷ் தலைமையிலான ஆஸ்திரேலியா அணி, ஐடன் மார்க்ரம் தலைமையிலான தென்னாப்பிரிக்க அணியை எதிர்கொள்கிறது. இப்போட்டியில், ஆஸ்திரேலியா அணி வெற்றி பெற்றால் தொடரை கைப்பற்றும், தென்னாப்பிரிக்கா அணி வெற்றி பெற்றால் தொடரைச் சமன் செய்யலாம். இதனால், தென்னாப்பிரிக்க அணி இப்போட்டியில் வெற்றி பெற வேண்டிய கட்டாயத்தில் உள்ளது. இவ்விரு அணிகளும் இதுவரை 26 டி20ஐ போட்டிகளில் நேருக்குநேர் மோதியுள்ளன. இதில், ஆஸ்திரேலிய அணி 18 போட்டிகளிலும், தென்னாப்பிரிக்க அணி 8 போட்டிகளிலும் வெற்றி பெற்றுள்ளன.
ஆஸ்திரேலிய அணி வீரர்கள்:
டிராவிஸ் ஹெட், மிட்செல் மார்ஷ் (கேப்டன்), ஜோஷ் இங்கிலிஸ், கேமரூன் கிரீன், டிம் டேவிட், மிட்செல் ஓவன், க்ளென் மேக்ஸ்வெல், பென் டுவார்ஷுயிஸ், நாதன் எல்லிஸ், ஆடம் ஜாம்பா, ஜோஷ் ஹேசில்வுட், மேத்யூ ஷார்ட், சீன் அபோட், ஆரோன் ஹார்டி, மேத்யூ குஹ்னேமன்.
தென்னாப்பிரிக்கா அணி வீரர்கள்:
ஐடன் மார்க்ரம் (கேப்டன்), ரியான் ரிக்கல்டன், லுவான்ட்ரே பிரிட்டோரியஸ், டெவால்ட் பிரெவிஸ், டிரிஸ்டன் ஸ்டப்ஸ், ஜார்ஜ் லிண்டே, கார்பின் போஷ், செனுரான் முத்துசாமி, ககிசோ ரபாடா, க்வேனா மபாகா, லுங்கி நிகிடி, ரஸ்ஸி வான் டெர் டுசென், ப்ரீனெலன் சுப்ரயன், நந்த்ரே பர்கர், நகாபயோம்சி பீட்டர்.
(The above story first appeared on LatestLY on Aug 11, 2025 11:05 PM IST. For more news and updates on politics, world, sports, entertainment and lifestyle, log on to our website latestly.com).
