ENG Vs IND 4th Test: இங்கிலாந்து - இந்தியா 4வது டெஸ்ட்.. நாளை மான்செஸ்டரில் பலப்பரீட்சை..!
இங்கிலாந்து எதிர் இந்தியா அணிகள் மோதும் 4வது டெஸ்ட் போட்டி, நாளை (ஜூலை 23) மான்செஸ்டரில் நடைபெறவுள்ளது.
ஜூலை 22, மான்செஸ்டர் (Sports News): இங்கிலாந்தில் சுற்றுப்பயணம் மேற்கொண்டுள்ள இந்திய கிரிக்கெட் அணி 5 போட்டிகள் கொண்ட டெஸ்ட் தொடரில் விளையாடி வருகிறது. இத்தொடருக்கு, ஆண்டர்சன் - டெண்டுல்கர் டிராபி (Anderson-Tendulkar Trophy) என பெயரிடப்பட்டுள்ளது. இங்கிலாந்து - இந்தியா அணிகள் மோதும் 5 போட்டிகள் கொண்ட டெஸ்ட் தொடரை, ஜியோ ஹாட்ஸ்டாரில் (Jio Hotstar) நேரலையில் பார்க்கலாம். அனைத்து போட்டிகளும், இந்திய நேரப்படி பிற்பகல் 3.30 மணிக்கு தொடங்குகிறது. நடந்து முடிந்த 3 போட்டிகள் முடிவில், 2-1 என இங்கிலாந்து முன்னிலையில் உள்ளது. BAN Vs PAK 2nd T20I: பாகிஸ்தான் 125 ரன்னுக்கு ஆல் அவுட்.. வங்கதேச அணி அபார வெற்றி..!
இங்கிலாந்து எதிர் இந்தியா (England Vs India):
இந்நிலையில், நாளை (ஜூலை 23) இங்கிலாந்து - இந்தியா அணிகள் (ENG Vs IND) மோதும் 4வது டெஸ்ட் போட்டி ஓல்ட் டிராஃபோர்ட், மான்செஸ்டரில் நடைபெறுகிறது. இப்போட்டியில், இங்கிலாந்து அணியில் காயம் காரணமாக தொடரில் இருந்து வெளியேறிய ஷோயிப் பஷீருக்கு பதிலாக லியாம் டாசன் இடம்பிடித்துள்ளார். இந்திய அணியில் ஆல் ரவுண்டர் நிதிஷ் குமார் ரெட்டி காயம் காரணமாக தொடரில் இருந்து வெளியேறியுள்ளார். இவருக்கு பதிலாக அன்ஷுல் கம்போஜ் அணியில் இணைந்துள்ளார். மேலும், அர்ஷ்தீப் சிங் மற்றும் ஆகாஷ் தீப் ஆகியோர் காயம் காரணமாக 4வது போட்டியில் விளையாடமாட்டார் என தெரிவிக்கப்பட்டுள்ளது.
இங்கிலாந்து அணி வீரர்கள்:
ஜாக் கிராலி, பென் டக்கெட், ஒல்லி போப், ஜோ ரூட், ஹாரி புரூக், பென் ஸ்டோக்ஸ் (கேப்டன்), ஜேமி ஸ்மித், லியாம் டாசன், கிறிஸ் வோக்ஸ், பிரைடன் கார்ஸ், ஜோஃப்ரா ஆர்ச்சர், ஜோஷ் டங்கு, கஸ் அட்கின்சன், ஜேக்கப் பெத்தேல். NZ Vs SA: டிம் சீஃபர்ட் அதிரடி ஆட்டம்.. தொடரில் ஆதிக்கம் செலுத்தும் நியூசிலாந்து..!
இந்திய அணி வீரர்கள்:
யஷஸ்வி ஜெய்ஸ்வால், கே.எல்.ராகுல், கருண் நாயர், ஷுப்மன் கில் (கேப்டன்), ரிஷப் பந்த், ரவீந்திர ஜடேஜா, வாஷிங்டன் சுந்தர், அன்ஷுல் கம்போஜ், ஆகாஷ் தீப், ஜஸ்பிரிட் பும்ரா, முகமது சிராஜ், அபிமன்யு ஈஸ்வரன், குல்தீப் யாதவ், ஷர்துல் தாகூர், பிரசித் கிருஷ்ணா, சாய் சுதர்சன், துருவ் ஜூரல்.
(The above story first appeared on LatestLY on Jul 22, 2025 11:02 PM IST. For more news and updates on politics, world, sports, entertainment and lifestyle, log on to our website latestly.com).
