NZ Vs SA, Toss: நியூசிலாந்து அணி டாஸ் வென்று பவுலிங் தேர்வு.. பழி தீர்க்குமா தென்னாப்பிரிக்கா..?
முத்தரப்பு டி20 தொடரில் நியூசிலாந்து எதிர் தென்னாப்பிரிக்கா அணிகள் மோதும் 5வது போட்டியில், நியூசிலாந்து அணி டாஸ் வென்று முதலில் பவுலிங்கை தேர்வு செய்துள்ளது.
ஜூலை 22, ஹராரே (Sports News): ஜிம்பாப்வேவில் சுற்றுப்பயணம் மேற்கொண்டுள்ள தென்னாப்பிரிக்கா, நியூசிலாந்து ஆகிய அணிகள் ஜிம்பாப்வே அணிக்கு எதிராக முத்தரப்பு டி20 தொடரில் விளையாடி வருகிறது. இந்த முத்தரப்பு டி20 தொடர் ஜூலை 14ஆம் தேதி முதல் ஜூலை 26 வரை நடைபெறுகிறது. இதில், ஒவ்வொரு அணியும் மற்ற அணிகளுடன் தலா 2 போட்டிகளில் மோத வேண்டும். நடந்து முடிந்த 4 லீக் சுற்றுப் போட்டிகளின் முடிவில், ஜிம்பாப்வே அணி 3 போட்டிகளில் விளையாடி 3 போட்டிகளிலும் தோல்வியை தழுவி தொடரில் இருந்து வெளியேறியது. இதனால், முதல் இரண்டு இடங்களை பிடித்த நியூசிலாந்து மற்றும் தென்னாப்பிரிக்கா அணிகள் இறுதிபோட்டியில் மோதும். அனைத்து போட்டிகளும், ஹராரே ஸ்போர்ட்ஸ் கிளப் மைதானத்தில், இந்திய நேரப்படி மாலை 4.30 மணிக்கு ஆரம்பமாகும். NZ Vs SA: முத்தரப்பு டி20 தொடர்.. நியூசிலாந்து - தென்னாப்பிரிக்கா அணிகள் நாளை மோதல்..!
நியூசிலாந்து எதிர் தென்னாப்பிரிக்கா (New Zealand Vs South Africa):
இந்நிலையில், இன்று (ஜூலை 22) நடைபெறும் 5வது லீக் போட்டியில், நியூசிலாந்து - தென்னாப்பிரிக்கா அணிகள் மோதுகின்றன. மிட்செல் சாண்ட்னர் தலைமையிலான நியூசிலாந்து அணி, ராஸ்ஸி வான் டெர் டுசென் தலைமையிலான தென்னாப்பிரிக்கா அணியை எதிர்கொள்கிறது. நியூசிலாந்து அணி விளையாடிய 2 போட்டிகளிலும் வெற்றிபெற்று புள்ளிப்பட்டியலில் முதலிடத்தில் உள்ளது. தென்னாப்பிரிக்க அணி விளையாடிய 3 போட்டிகளில் 2 வெற்றி பெற்று புள்ளிப்பட்டியலில் இரண்டாம் இடத்தில் உள்ளது. இவ்விரு அணிகளும் இதுவரை 16 சர்வதேச டி20 போட்டிகளில் நேருக்குநேர் மோதியுள்ளன. இதில், நியூசிலாந்து அணி 5 போட்டிகளிலும், தென்னாப்பிரிக்கா அணி 11 போட்டிகளிலும் வெற்றி பெற்றுள்ளன. இப்போட்டியில், டாஸ் வென்ற நியூசிலாந்து அணியின் கேப்டன் மிட்செல் சாண்ட்னர் முதலில் பவுலிங்கை தேர்வு செய்துள்ளார்.
நியூசிலாந்து (பிளேயிங் லெவன்):
டிம் சீஃபர்ட், டெவன் கான்வே, ரச்சின் ரவீந்திர, டேரில் மிட்செல், மார்க் சாப்மேன், மைக்கேல் பிரேஸ்வெல், மிட்செல் சாண்ட்னர் (கேப்டன்), ஜகரி ஃபௌல்க்ஸ், ஆடம் மில்னே, ஜேக்கப் டஃபி, வில்லியம் ஓரூர்க்.
தென்னாப்பிரிக்கா (பிளேயிங் லெவன்):
ரீசா ஹென்ட்ரிக்ஸ், லுவான்-ட்ரே பிரிட்டோரியஸ், ரஸ்ஸி வான் டெர் டுசென் (கேப்டன்), ரூபின் ஹெர்மன், டெவால்ட் ப்ரீவிஸ், அண்டில் சிமெலேன், ஜார்ஜ் லிண்டே, செனுரன் முத்துசாமி, ஜெரால்ட் கோட்ஸி, நகாபயோம்சி பீட்டர், க்வேனா மபாகா.
(The above story first appeared on LatestLY on Jul 22, 2025 04:22 PM IST. For more news and updates on politics, world, sports, entertainment and lifestyle, log on to our website latestly.com).
