Today Gold Price (Photo Credit: Pixabay)

ஜூன் 25, சென்னை (Gold Price Today): ரஷ்யா-உக்ரைன் போர், மத்திய கிழக்கு நாடுகளில் ஏற்பட்டுள்ள பதற்றம் மற்றும் தங்கத்தில் முதலீடு (Gold Investment) செய்யும் மக்கள் என பல காரணத்தால் தங்கத்தின் விலை நாளுக்குநாள் அதிகரித்து வருகிறது. கடந்த 10 ஆண்டுகளுக்கு முன்பு வரை ரூ.30,000 முதல் ரூ.40,000 வரை விற்பனை செய்யப்பட்ட தங்கத்தின் விலை (Gold Price) இன்று சவரனுக்கு ரூ.74,000ஐ கடந்திருந்தது. நீட் பயிற்சி தேர்வில் மதிப்பெண் குறைந்ததால் மகளை கொன்ற தந்தை.. அதிர்ச்சி சம்பவம்.! 

படிப்படியாக குறையும் தங்கத்தின் விலை :

சவரன் தங்கம் விலை அதன் உற்பத்தி, நுகர்வு உட்பட பல விஷயங்களை அடிப்படையாக கொண்டு தினமும் லண்டனில் நிர்ணயம் செய்யப்படுகிறது. இந்தியாவில் பங்குச்சந்தை நிலவரத்தை பொருத்தும் தங்கத்தின் விலை தினமும் மாற்றமடையும். கடந்த வாரத்தில் தங்கத்தின் விலையானது ஏற்ற இறக்கத்துடன் இருந்த நிலையில், இந்த வாரம் தொடக்கம் முதலே தங்கத்தின் விலை படிப்படியாக குறைந்து வருகிறது.

தங்கம் விலை இன்று (Today Gold Rate in Chennai) & வெள்ளி விலை இன்று (Silver Price in Chennai):

இந்நிலையில், ஜூன் 25ஆம் தேதியான இன்று புதன்கிழமை, தங்கத்தின் விலை அதிரடியாக குறைந்துள்ளது. இன்று (ஜூன் 25) 22 கேரட் தங்கத்தின் (Gold) விலை கிராமுக்கு ரூ.85 குறைந்து, கிராம் தங்கம் ரூ.9,070க்கு விற்கப்படுகிறது. சவரனுக்கு ரூ.680 குறைந்து, ஒரு சவரன் ரூ.72,560க்கு விற்பனை செய்யப்படுகிறது. வெள்ளியின் (Silver) விலையை பொறுத்தவரையில் ரூ.1000 குறைந்து ஒரு கிலோ வெள்ளி ரூ.1,19,000 க்கு விற்பனையாகிறது.

சென்னையில் தங்கத்தின் விலையானது கடந்த 3 நாட்களில் மட்டும் ரூ.1,320 குறைந்துள்ளது. இதனால் வரும் காலங்களில் உயருமா? அல்லது தொடர்ந்து குறையுமா? என்ற கேள்வியானது மக்கள் மனதில் எழுந்துள்ளது.