Gold Silver Price (Photo Credit: Pixabay)

ஆகஸ்ட் 30, சென்னை (Gold Price Today): தங்கத்தின் விலையானது சர்வதேச சந்தை வர்த்தகத்தின் அடிப்படையில் ஒவ்வொரு நாளும் நிர்ணயம் செய்யப்படுகிறது. கடந்த 10 ஆண்டுகளுக்கு முன் வரை ரூ.30,000 முதல் ரூ.40,000 வரை விற்பனை செய்யப்பட்ட தங்கத்தின் விலை, கடந்தாண்டு தொடங்கி ரூ.55,000ஐ கடந்து விற்பனை செய்யப்பட்டு வருகிறது. ரஷ்யா - உக்ரைன் போர், மத்திய கிழக்கு நாடுகளில் ஏற்பட்டுள்ள பதற்றம் மற்றும் தங்கத்தில் முதலீடு செய்யும் மக்களின் எண்ணிக்கை அதிகரித்தல் போன்ற காரணங்களால் தங்கத்தின் விலையானது நாளுக்கு நாள் அதிகரித்துக் கொண்டே செல்கிறது. Gold Rate Today: ரூ.76,000ஐ கடந்தது தங்கம் விலை.. ஒரேநாளில் வரலாறு காணாத புதிய உச்சம்.. கிடுகிடு உயர்வு.. ஷாக் நிலவரம்.! 

தங்கம் விலை அதிரடி உயர்வு :

தங்கம் மீதான நுகர்வு, அதன் உற்பத்தி உட்பட பல காரணங்களால் தங்கத்தின் விலை ஒவ்வொரு நாளும் லண்டனில் நிர்ணயம் செய்யப்படுகிறது. இந்தியாவின் பங்குச்சந்தை நிலவரத்தை பொறுத்து தங்கத்தின் விலை தினமும் மாற்றமடையும். அதன்படி கடந்த மாதம் திடீரென ஆபரணத்தங்கம் ரூ.75,000ஐ கடந்து மக்களை அதிர்ச்சிக்குள்ளாக்கியது. தங்கத்திற்கு ஈடாக வெள்ளியின் விலையும் நாளுக்குநாள் உயர்ந்து வருகிறது. ஆகஸ்ட் 30ஆம் தேதியான இன்று சனிக்கிழமை தங்கத்தின் விலை புதிய உச்சத்தை தொட்டுள்ளது.

உச்சம் தொட்ட தங்கம் :

நேற்று காலை (ஆகஸ்ட் 29) 22 காரட் தங்கத்தின் (Gold) விலை கிராமுக்கு ரூ.65 உயர்ந்து, கிராம் தங்கம் ரூ.9,470 க்கு விற்கப்பட்டது. சவரனுக்கு ரூ.520 உயர்ந்து, ஒரு சவரன் ரூ.75,760 க்கு விற்பனை செய்யப்பட்டது. மேலும் நேற்று பிற்பகலில் சவரனுக்கு ரூ.520 உயர்ந்து ரூ.76,280 க்கு விற்பனை செய்யப்பட்டது. அதுபோல ஒரு கிராம் தங்கம் ரூ.9,535 க்கு விற்கப்பட்டது. தங்கத்தின் விலை ரூ.77,000ஐ நெருங்குவது தங்கப்பிரியர்களுக்கு அதிர்ச்சியை ஏற்படுத்தியுள்ளது.

இன்று தங்கம் விலை (Today Gold Rate in Chennai) & இன்று வெள்ளி விலை (Silver Price in Chennai) :

இந்த நிலையில் இன்று (ஆகஸ்ட் 30) 22 காரட் தங்கத்தின் (Gold) விலை கிராமுக்கு ரூ.85 உயர்ந்து, கிராம் தங்கம் ரூ.9,620 க்கு விற்பனை செய்யப்படுகிறது. சவரனுக்கு ரூ.680 உயர்ந்து, ஒரு சவரன் ரூ.76,960 க்கு விற்பனை செய்யப்படுகிறது. வெள்ளியின் (Silver) விலையை பொறுத்தவரையில் ரூ.3,000 உயர்ந்து ஒரு கிலோ வெள்ளி விலை ரூ.1,34,000 க்கு விற்பனையாகிறது. 2 நாட்களில் மட்டும் தங்கத்தின் விலையானது ரூ.1,720 உயர்ந்துள்ளது.