ஈரோடு: வீட்டு வேலைகளை செய்ய கூறியதால் ஆத்திரம்; 10 வயது சிறுமி தற்கொலை.!

ஜனவரி 20, கோபிசெட்டிபாளையம் (Erode News): ஈரோடு மாவட்டத்தில் உள்ள கோபிசெட்டிபாளையம், உடையாம்பாளையம் பகுதியில் வசித்து வருபவர் சரவணன். இவரின் மனைவி மஞ்சுளா. தம்பதிகளுக்கு இரண்டு மகள்கள் இருக்கின்றனர். இவர்களில் மூத்த மகள் தனது தாத்தாவின் வீட்டில் தங்கியிருந்தபடி, அங்குள்ள பள்ளியில் எட்டாம் வகுப்பு பயின்று வருகிறார்.

வேலைக்குச் சென்ற தாய்:

இளையமகள் அக்சயா பெற்றோருடன் தங்கியிருக்கும் நிலையில், அங்குள்ள பள்ளி ஒன்றில் ஐந்தாம் வகுப்பு படிக்கிறார். இதனிடையே, நேற்று முன்தினம் காலை வீட்டில் இருந்த சிறுமியிடம், சிறிய அளவிலான வேலைகளை செய்யுமாறு தாய் கூறி இருக்கிறார். பின் அவர் தனது வேலைக்கு புறப்பட்டு சென்றுவிட்டார். Tirunelveli Shocker: கணவரை பிரிந்த மனைவி, புதிய காதலருடன் ஓட்டம்? மாமனார் - மாமியார் வெட்டிக்கொலை.! 

சடலமாக தொங்கிய மகள்:

மாலை நேரத்தில் மீண்டும் வீட்டிற்கு வந்தபோது, மகள் அட்சயா வீட்டின் சமையல் அறையில் தூக்கிட்டு தற்கொலை செய்துகொண்டவர் சடலமாக மீட்கப்பட்டார். அவர் துப்பட்டாவால் தூக்கிட்டு தற்கொலை செய்துகொண்டவாறு சடலமாக மீட்கப்பட்டு இருக்கிறார். இதனைக்கண்டு அதிர்ச்சியடைந்த மஞ்சுளா அலறியுள்ளார்.

காவல்துறை விசாரணை:

அவரின் அலறல் சத்தம் கேட்டு வந்த அக்கம் பக்கத்தினர், அக்சயாவை மீட்டு மருத்துவமனைக்கு கொண்டு சென்றனர். அங்கு அக்சயாவின் மரணம் உறுதி செய்யப்பட்டது. இந்த விஷயம் தொடர்பாக தகவல் அறிந்த காவல்துறையினர், அக்சயாவின் உடலை மீட்டு பிரேத பரிசோதனைக்கு அனுப்பி வைத்தனர்.

மேலும், இதுதொடர்பாக வழக்குப்பதிவு செய்துள்ள கோபிசெட்டிபாளையம் காவல்துறையினர், விசாரணை முன்னெடுத்து வருகின்றனர். இந்த சம்பவம் அப்பகுதியில் பெரும் அதிர்ச்சியை உண்டாக்கி இருக்கிறது.

(The above story first appeared on LatestLY on Jan 20, 2025 05:18 PM IST. For more news and updates on politics, world, sports, entertainment and lifestyle, log on to our website latestly.com).