Redmi 14C (Photo Credit: @FoneArena X)

செப்டம்பர் 05, சென்னை (Technology News): சியோமி (Xiaomi) நிறுவனம் பட்ஜெட் விலையில் ரெட்மி 14சி (Redmi 14C Smartphone) ஸ்மார்ட்போனை உலகளவில் அறிமுகப்படுத்தியுள்ளது. இது கடந்த ஆண்டு அறிமுகப்படுத்தப்பட்ட ரெட்மி 13C-யின் தொடராக வந்துள்ளது. முன்பை விட வித்தியாசமான வடிவமைப்பு மற்றும் மேம்படுத்தப்பட்ட விவரக்குறிப்புகளை இந்த ஸ்மார்ட்போன் கொண்டுள்ளது. இதுபற்றிய முழு விவரங்களை இந்த பதிவில் தெரிந்து கொள்வோம்.

விலை:

உலக சந்தையில் ரெட்மி 14சி ஸ்மார்ட்போனின் ஆரம்ப விலை USD 119, இந்திய விலையில் சுமார் ரூ. 9,900 ஆகும். இருப்பினும், அனைத்து ஸ்டோரேஜ் விருப்பங்களின் விலை இன்னும் அறிவிக்கப்படவில்லை.

இந்த போன், மிட்நைட் பிளாக் மற்றும் ட்ரீமி பர்பிள் வண்ணங்களில் வந்துள்ளது. மேலும், மேட் அமைப்புடன், பச்சை நிறத்திலும் நட்சத்திர பாதை வடிவமைப்புடன் நட்சத்திர நீல நிறத்திலும் கிடைக்கும். Post Office Schemes For Boy Child: ஆண் குழந்தைகளுக்கும் அசத்தலான அஞ்சலக சேமிப்பு திட்டம் - விபரம் இதோ..!

சிறப்பம்சங்கள்:

இந்த மொபைலில் 6.88 இன்ச் HD+ டிஸ்ப்ளேவை பிராண்ட் வழங்கியுள்ளது. இது 1600 x 720 பிக்சல் தெளிவுத்திறன், 20:9 விகிதம், 120Hz புதுப்பிப்பு வீதம், 600 nits வரை உச்ச பிரகாசம், DC டிம்மிங், TÜV ரைன்லேண்ட் குறைந்த நீல ஒளி தொழில்நுட்பம் மற்றும் ஃப்ளிக்கர் இலவச சான்றிதழ் ஆதரவு ஆகியவற்றைக் கொண்டுள்ளது.

ரெட்மி 14சி மொபைல் பிராண்டின் Xiaomi Hyper OS உடன் Android 14-யை அடிப்படையாகக் கொண்டது.

ரெட்மி 14சி ஸ்மார்ட்போனில் ஆக்டா கோர் மீடியாடெக் ஹீலியோ ஜி81-அல்ட்ரா செயலியுடன், Dual 2GHz Cortex A75 + Hexa 2GHz 6x கார்டெக்ஸ் A55 CPU மற்றும் கிராபிக்ஸ் ARM Mali-G52 2EEMC2 GPU உடன் வந்துள்ளது.

இதில் 4GB, 6GB, 8GB எல்பிடிடிஆர்4எக்ஸ் ரேம் கொண்ட போனுக்கு 128GB மற்றும் 256GB இஎம்எம்சி 5.1 இன்டர்னல் ஸ்டோரேஜ் ஆப்ஷன்கள் கொடுக்கப்பட்டுள்ளது. இதுமட்டுமின்றி ஸ்டோரேஜை அதிகரிக்க மைக்ரோ எஸ்டி கார்டு வசதியும் உள்ளது. இதன் மூலம் 1TB வரை அதிகரிக்க முடியும்.

இந்த ஸ்மார்ட்போனில், 50MP பின்புற முதன்மை கேமரா மற்றும் இரட்டை கேமரா அமைப்பை பெறலாம். செல்பி மற்றும் வீடியோ அழைப்பிற்காக 13MP முன்பக்க கேமரா கொடுக்கப்பட்டுள்ளது.

ஸ்மார்ட்போனில் 5160mAh பேட்டரி வழங்கப்பட்டுள்ளது. மேலும், 18W பாஸ்ட் சார்ஜிங் சப்போர்ட் வசதியுடன் வந்துள்ளது.