Actor Rakesh Poojary Dies: திருமண நிகழ்ச்சியில் டான்ஸ் ஆடிய நடிகர் மயங்கி விழுந்து மரணம்.. அதிர்ச்சியில் ரசிகர்கள்.!
காந்தாரா 2 படத்தின் முக்கிய கதாபாத்திரத்தில் நடித்து வந்த இளம் நடிகர் ராகேஷ் பூஜாரி நண்பரின் திருமண நிகழ்ச்சியில் மயங்கி விழுந்து மாரடைப்பால் உயிரிழந்தார். இந்த செய்தி ரசிகர்களை சோகத்தில் ஆழ்த்தியுள்ளது.
மே 12, கர்நாடகா (Karnataka News): கன்னட நடிகர் ரிஷப் செட்டியின் எழுத்து மற்றும் இயக்கம், நடிப்பில் வெளியான திரைப்படம் காந்தாரா. இப்படத்தின் இரண்டாம் பாகத்தில் நடித்து வந்த இளம் நடிகர் ராகேஷ் பூஜாரி (வயது 33). கர்நாடக மாநிலத்தை சேர்ந்த இவர் உடுப்பி மாவட்டத்தில் நடைபெற்ற தனது நண்பனின் திருமண நிகழ்ச்சியில் கலந்து கொண்டார்.
நடனம் ஆடிக்கொண்டிருந்தபோது மாரடைப்பு :
இந்த நிலையில் திருமணத்திற்கு முன்னதாக நடைபெறும் கொண்டாட்டங்களில் ஒன்றான மெஹந்தி நிகழ்ச்சியின் போது மகிழ்ச்சியாக நடனமாடிக் கொண்டிருந்த ராகேஷ் பூஜாரி திடீரென மயங்கி விழுந்தார். இதனைக் கண்டு பதறிய நண்பர்கள் அவரை உடனடியாக அருகில் இருக்கும் மருத்துவமனைக்கு அழைத்துச் சென்ற நிலையில், பரிசோதித்த மருத்துவர்கள் அவர் முன்னதாகவே உயிரிழந்து விட்டதாக தெரிவித்துள்ளனர். விரைவில் இரண்டாவது திருமணம்? ஆதாரத்துடன் சர்ச்சையில் சிக்கும் ரவி மோகன்..!
ரசிகர்களுக்கு அதிர்ச்சி செய்தி :
33 வயதான ராகேஷ் பூஜாரியின் மரணம் திரையுலகினரையும், ரசிகர்களையும் அதிர்ச்சியில் ஆழ்த்தியுள்ளது. மேலும் இது குறித்து அவரது நெருங்கிய நண்பரான கோவிந்தே கவுடா கூறியதாவது, எனது நண்பர் ராகேஷ் மாரடைப்பால் மரணமடைந்தார். அவர் முன்னதாகவே மிகவும் டயர்ட் ஆக இருக்கிறது என்று கூறினார் என கவலையுடன் தெரிவித்துள்ளார்.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)