World Bicycle Day 2024: உலக சைக்கிள் தினம்.. வரலாறு, முக்கியத்துவம் மற்றும் நன்மைகள் என்னென்ன தெரியுமா?.!

ஜூன் 03, சென்னை (Chennai): உடல்நலம் மற்றும் ஒட்டுமொத்த ஆரோக்ய வாழ்வுக்காகவும், உடல்நல முன்னேற்றத்திற்காகவும் சைக்கிள் ஓட்டுதலின் முக்கியத்துவத்தை நினைவுகூரும் வகையில், உலக சைக்கிள் தினம் (World Bicycle Day) ஆண்டுதோறும் ஜூன் 03 அன்று உலகம் முழுவதும் அனுசரிக்கப்படுகிறது.

வரலாறு: இந்த தினம் 2018 ஆம் ஆண்டு ஐக்கிய நாடுகளின் பொதுச் சபையால் நிறுவப்பட்டது. 1817 ஆம் ஆண்டில், கார்ல் வான் டிராய்ஸ், ஒரு குதிரையில்லா வண்டியைக் கண்டுபிடித்தார். அது அவருக்கு வேகமாகச் செல்ல உதவியதால் அப்போது பிரபலமானது. இரு சக்கரங்கள் கொண்ட இந்த வண்டி, கால்களை தரையில் தள்ளுவதன் மூலம் உந்தப்பட்டு முன்னோக்கி செல்லும் வகையில் கண்டறியப்பட்டது. இந்த இயந்திரம் முதலில் 'டிரைசின்' என்று அறியப்பட்டது, மேலும் அதுவே நவீன கால சைக்கிள் உருவாக்கத்திற்கு வழிவகுத்தது.

முக்கியத்துவம்: சைக்கிள் ஓட்டுவதன் நன்மைகளை பற்றிய விழிப்புணர்வை ஏற்படுத்துதல், சுற்றுச்சூழல் பாதுகாப்பு மற்றும் நிலையான வளர்ச்சிக்கு ஊக்கமளித்தல், பொது சுகாதாரத்தை மேம்படுத்துதல், சமூக சேர்க்கை மற்றும் பொருளாதார வளர்ச்சியை ஊக்குவித்தல் போன்றவை இந்த நாளின் முக்கியத்துவம் ஆகும். Tractor Overturned: திருமண வீட்டார் பயணித்த டிராக்டர் கவிழ்ந்து சோகம்; 13 பேர் பலி., 30 பேர் படுகாயம்.!

சைக்கிள் ஓட்டுவதன் நன்மைகள்: சைக்கிள் ஓட்டுதல் என்பது ஒரு சிறந்த உடற்பயிற்சி ஆகும், இது உடல் மற்றும் மன ஆரோக்கியத்திற்கு பல நன்மைகளை வழங்குகிறது. இதய ஆரோக்கியத்தை மேம்படுத்துகிறது மற்றும் இதய நோய் அபாயத்தைக் குறைக்கிறது. இரத்த அழுத்தத்தை குறைக்க உதவுகிறது. தசைகளை வலுப்படுத்துகிறது மற்றும் எலும்புகளுக்கு நன்மை பயக்கிறது. சர்க்கரை நோய் மற்றும் புற்றுநோய் போன்ற நாள்பட்ட நோய்களின் அபாயத்தைக் குறைக்கிறது.

மன அழுத்தம், பதட்டம் மற்றும் மனச்சோர்வை குறைக்கிறது. தூக்கத்தை மேம்படுத்த உதவுகிறது. சுயமரியாதை மற்றும் நம்பிக்கையை அதிகரிக்கிறது. அறிவாற்றல் செயல்பாட்டை மேம்படுத்துகிறது. காற்று மாசுபாட்டைக் குறைக்கிறது. போக்குவரத்து நெரிசலைக் குறைக்கிறது.

உலக சைக்கிள் தினத்தை முன்னிட்டு, நாம் அனைவரும் சைக்கிள் ஓட்டுவதை ஊக்குவிக்கவும், அதன் நன்மைகளைப் பற்றி மற்றவர்களுக்கு விழிப்புணர்வு ஏற்படுத்தவும் முயற்சி செய்வோம்.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)