Shocking Video: அந்தரத்தில் பறந்த சிலிண்டர்.. லாரி கவிழ்ந்த விபத்தில் வெடித்து சிதறிய சம்பவம்.. அரியலூரில் பரபரப்பு.!
Ariyalur Cylinder Explosion: அரியலூரில் சிலிண்டர் ஏற்றி சென்ற லாரி பயங்கர விபத்தில் சிக்கி வெடித்து சிதறிய பதறவைக்கும் காட்சிகள் வெளியாகி உள்ளன.
நவம்பர் 11, அரியலூர் (Ariyalur News): அரியலூர் மாவட்டம் வாரணவாசி பகுதியில் இன்று சிலிண்டர் ஏற்றி சென்ற லாரி பயங்கர விபத்தில் சிக்கியது. சாலையில் லாரி சென்ற போது நாய் ஒன்று திடீரென குறுக்கே வந்த நிலையில், அதன் மீது லாரி மோதாமல் இருக்க ஓட்டுநர் அதிர்ச்சியில் வாகனத்தை திருப்பியதால் லாரி பள்ளத்தில் கவிழ்ந்து விபத்திற்கு உள்ளானது. நல்வாய்ப்பாக ஓட்டுநர் லேசான காயத்துடன் உயிர் தப்பிவிட்ட நிலையில், லாரியில் இருந்த சிலிண்டர்கள் சாலையில் விழுந்து தீப்பிடித்து விபத்தில் சிக்கியது. இதில் சிலிண்டர் அடுத்தடுத்து வெடித்து சிதறி தேசிய நெடுஞ்சாலையே போர்க்களமான நிலையில், இது தொடர்பான அதிர்ச்சி காட்சிகள் வெளியாகி உள்ளன. நல்வாய்ப்பாக இந்த விபத்தில் எந்தவொரு உயிர் சேதமும் ஏற்படவில்லை. தேசிய நெடுஞ்சாலை ஓரம் என்பதால் வீடுகளும் அருகில் இல்லை. ஒரு சில தனிவீட்டு கட்டிடங்கள் மட்டுமே இருந்ததால் அதன் மீது சிலிண்டர் விடாத காரணத்தால் பெரும் அசம்பாவிதமும் தவிர்க்கப்பட்டது. Shocking Video: "என்னை கல்யாணம் பண்ணு" - வீடு புகுந்து இளம்பெண்ணை தாக்கிய இளைஞர்.. பதறவைக்கும் வீடியோ.!