ITT Vs DD Highlights: திண்டுக்கல் அணி 8 விக்கெட் வித்தியாசத்தில் வெற்றி; சுபோத் பாத்தி அபார பந்துவீச்சு..!

ஜூலை 18, கோயம்புத்தூர் (Sports News): தமிழ்நாடு பிரீமியர் லீக் (TNPL 2024) இருபது ஓவர் கிரிக்கெட் போட்டி தொடரின் முதல் 9 லீக் ஆட்டங்கள், சேலம் கிரிக்கெட் பவுண்டேசன் ஸ்டேடியத்தில் நடைபெற்றது. தற்போது 2-வது கட்ட லீக் ஆட்டங்கள் கோவையில் உள்ள ஸ்ரீ ராமகிருஷ்ணா கலை மற்றும் அறிவியல் கல்லூரி மைதானத்தில் நடைபெற்று வருகின்றன. அந்தவகையில் நேற்று நடைபெற்ற 16-வது லீக் போட்டியில் திருப்பூர் தமிழன்ஸ்-திண்டுக்கல் டிராகன்ஸ் (ITT Vs DD) அணிகள் மோதின. மழை காரணமாக 2 மணி நேரம் தாமதமாக போட்டி தொடங்கியது. இதனால் 13 ஓவர் கொண்ட போட்டியாக மாற்றப்பட்டது. இதில் டாஸ் வென்ற திண்டுக்கல் அணி முதலில் பந்துவீச்சை தேர்வு செய்தது. Political Party Representative Killed: நடுரோட்டில் துண்டுதுண்டாக வெட்டிக்கொல்லப்பட்ட அரசியல்கட்சி பிரதிநிதி; நெஞ்சை நடுநடுங்க வைக்கும் சம்பவம்.!

முதலில் பேட்டிங் செய்த திருப்பூர் அணியின் தொடக்க ஆட்டக்காரர்களான ராதாகிருஷ்ணன் 36 ரன்னும், துஷர் ரஹேஜா 32 ரன்னும் எடுத்து வெளியேறினர். 13 ஓவர் முடிவில் 4 விக்கெட்களை இழந்து 108 ரன்கள் அடித்தது. திண்டுக்கல் அணி தரப்பில் சுபோத் பாத்தி 3 விக்கெட்டும், அஸ்வின் ஒரு விக்கெட்டும் வீழ்த்தினர்.

இதனையடுத்து 109 ரன்கள் எடுத்தால் வெற்றி என்ற இலக்கை துரத்திய திண்டுக்கல் அணியில் பாபா இந்திரஜித் 31 ரன்களும், பூபதி குமார் 51 ரன்களும் எடுத்து களத்தில் இருந்தனர். திண்டுக்கல் அணி 11.5 ஓவர்களில் 2 விக்கெட்களை இழந்து 111 ரன்கள் எடுத்து வெற்றி பெற்றது. இதன்மூலம் திண்டுக்கல் அணி 8 விக்கெட் வித்தியாசத்தில் அபார வெற்றி பெற்றது. ஆட்டநாயகன் விருதை சுபோத் பாத்தி பெற்று சென்றார்.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)

Show full article