California Narayan Temple Pro Khalistani Slogans: கலிபோர்னியாவில் உள்ள நாராயணன் கோவிலில் காலிஸ்தான் வசனம்: அமெரிக்காவில் இந்துக்களுக்கு எதிராக பிரிவினைவாதிகள் அதிர்ச்சி செயல்.!
சர்வதேச அளவில் இந்தியா பாகிஸ்தானுக்கு எதிரான பிரச்சனையை முதலில் எதிர்கொண்டு வந்த நிலையில், தற்போது காலிஸ்தான் நாடு கேட்டு சீக்கியர்கள் செய்யும் பிரிவினைவாத கருத்துக்களையும் எதிர்கொள்கிறது.
டிசம்பர் 23, கலிபோர்னியா (World News): அமெரிக்காவில் வாழும் இந்துக்களின் நம்பிக்கை மற்றும் அவர்களின் இறையாண்மையை ஊக்குவிக்கும்பொருட்டு, அந்நாட்டு அரசு அனுமதியுடன் பல இடங்களில் கோவில்கள் நிறுவப்பட்டு இருக்கின்றன. இவைக்கு அமெரிக்கா அரசு பாதுகாப்பு அளித்து வருகிறது.
பிரிவினைவாத எண்ணம் கொண்டவர்களால் தொடரும் சம்பவம்: சமீபகாலமாகவே காலிஸ்தான் தனிநாடு கேட்கும் சீக்கிய பிரிவினைவாதிகள், வெளிநாடுகளில் உள்ள இந்துக்களை குறிவைத்து தாக்குதல் நடத்துகின்றனர். இந்து கோவில்கள் சேதப்படுத்தப்படுகின்றன. இந்திய தேசியக்கொடி அவமதிக்கப்படுகிறது. Snake Smuggling: பிஸ்கட், கேக் பெட்டிகளில் அடைத்து கொண்டு வரப்பட்ட பாம்புகள்; விமான நிலையத்தில் நடுநடுங்கிப்போன அதிகாரிகள்.!
கலிபோர்னியாவில் அதிர்ச்சி: இந்நிலையில், கலிபோர்னியா மாகாணத்தில் உள்ள நியூஆர்க் நகரில் இருக்கும் ஸ்ரீ சுவாமி நாராயணன் கோவில் நேற்று காலிஸ்தானிய பிரிவினைவாதிகளால் சேதப்படுத்தப்பட்டது. கோவில் சுவற்றில் கருப்பு பெயிண்டால், இந்தியாவுக்கு எதிரான மற்றும் காலிஸ்தான் ஆதரவு வாசகங்களும் பதிவு செய்யப்பட்டன.
இந்திய துணை தூதரகம் கண்டனம்: இந்த நிகழ்வுக்கு கடுமையான கண்டனம் தெரிவித்துள்ள சான் பிரான்சிஸ்கோ இந்திய துணைத்தூதரகம், அமெரிக்கா அரசிடம் உரிய நடவடிக்கை எடுக்கவும் அழுத்தம் கொடுத்துள்ளது.