Kamal Watched Manjummel Boys: மஞ்சும்மேல் பாய்ஸ் படக்குழுவுடன் படம் பார்த்து ரசித்த கமல் ஹாசன்; தமிழத்தில் வரவேற்பை பெற்ற மலையாள திரைப்படம்.!

பிப்ரவரி 29. சென்னை (Cinema News): இயக்குனர் சிதம்பரத்தின் இயக்கத்தில், பாபு சாஹிர், சோப்பின் சாஹிர், ஸ்வன் ஆண்டனி ஆகியோரின் சார்பில் பரவா பிலிம்ஸ் தயாரிப்பில் கடந்த 22ம் தேதி வெளியான திரைப்படம் மஞ்சும்மேல் பாய்ஸ் (Manjummel Boys). படத்திற்கு சுஷின் ஷியாம் இசையமைத்து இருக்கிறார்.

படத்தின் மையக்கரு: கிரைம் தில்லர் பாணியில் எடுக்கப்பட்டுள்ள இத்திரைப்படம், கமல் ஹாசனின் குணா திரைப்படம் படம்பிடிக்கப்பட்ட இடத்தை காணச்செல்லும் கேரள இளைஞர்கள் சந்திக்கும் பிரச்சனை மற்றும் அதன் முடிவை கதைக்களமாக கொண்டது.

தமிழ் ரசிகர்களிடையே வரவேற்பு: அங்கு சென்ற இளைஞர்களுக்கு நடந்தது என்ன? அவர்கள் தப்பித்தார்களா? என்பதை மையகருத்தாக கொண்டு கிரைம் பாணியில் படம் பதைபதைப்புடன் நகரும். மலையாள மொழியில் வெளியான திரைப்படம், அதன் வரவேற்பால் மொழிகளை கடந்து திரையில் சாதித்து வருகிறது. WhatsApp Search Update: அசத்தல் அறிவிப்பு.. இனி மெசேஜ்களை தேதி வாரியாகவும் தேடலாம் - வாட்சப்பின் கலக்கல் அப்டேட்..! 

கமல்ஹாசன் படம் பார்த்தார்: இது படக்குழுவுக்கு இன்ப அதிர்ச்சியை ஏற்படுத்த, தொடர்ந்து தமிழக திரைபிரபலங்களும் படத்தை கண்டு மகிழ்ந்து வருகின்றனர். அந்த வகையில், நடிகர் கமல் ஹாசன் தனது அலுவலகத்தில் மஞ்சும்மேல் பாய்ஸ் படத்தை கண்டு படக்குழுவை பாராட்டினார்.

படக்குழு: உண்மை சம்பவத்தை தழுவி எடுக்கப்பட்ட இப்படத்தில் முக்கிய கதாபாத்திரத்தில் சோப்பின் சாஹிர், ஸ்ரீநாத் பாசி, பாலு வர்கீஸ், கணபதி, லால், தீபக் பாரம்போல், ஆபிராம் ராதாகிருஷ்ணன், அருண் குறைந்த, சந்து சலீம்குமார் ஆகியோர் நடித்து இருக்கின்றனர்.