Pudalangai Bajji Recipe: சுவையான புடலங்காய் பஜ்ஜி செய்வது எப்படி..? ரெசிபி டிப்ஸ் இதோ..!

நவம்பர் 15, சென்னை (Kitchen Tips): பொதுவாக மழை காலங்களில் மாலை நேரத்தில் பஜ்ஜி சாப்பிடுவது அனைவருக்கும் பிடிக்கும். எப்போதும் போல வாழைக்காய், உருளைக்கிழங்கு, வெங்காயம் ஆகியவற்றில் பஜ்ஜி செய்து சாப்பிடுவதை விட, சற்று வித்தியாசமாக நீர் சத்துமிக்க காய்கறிகளில் ஒன்றான புடலங்காய் (Snake Gourd) வைத்து சுவையான புடலங்காய் பஜ்ஜி (Pudalangai Bajji) எப்படி செய்வது என்பதனை இந்த பதிவில் பார்ப்போம்.

தேவையான பொருட்கள்:

புடலங்காய் - 2

கடலை மாவு - ஒன்றரை கப்

இஞ்சி, பூண்டு விழுது - 2 தேக்கரண்டி

மிளகாய்தூள் - ஒன்றரை தேக்கரண்டி

ஆப்ப சோடா - ஒரு சிட்டிகை

உப்பு, எண்ணெய் - தேவையான அளவு. Lemon Rice Recipe: எலுமிச்சை சாதம் இப்படி ஒரு தடவ செஞ்சு பாருங்க.. ரெசிபி டிப்ஸ் இதோ..!

கலவை செய்ய தேவையான பொருட்கள்:

உருளைக்கிழங்கு - 2

பச்சை மிளகாய் - 2

பெரிய வெங்காயம் - 1

இஞ்சி - 1 துண்டு

உளுத்தம்பருப்பு - அரை தேக்கரண்டி

மஞ்சள்தூள் - கால் தேக்கரண்டி

கடுகு - கால் தேக்கரண்டி

உப்பு, எண்ணெய் - தேவையான அளவு

செய்முறை:

• முதலில் உருளைக்கிழங்கை வேகவைத்து மசியவும். அடுத்து வெங்காயம், மிளகாய், இஞ்சி ஆகியவற்றை பொடியாக நறுக்கி கொள்ளவும்.
• ஒரு பாத்திரத்தில் எண்ணெய் ஊற்றி சூடானதும் கடுகு, உளுத்தம்பருப்பு தாளித்து வெங்காயம், மிளகாய், இஞ்சி, மஞ்சள்தூள் சேர்த்து வதக்கி, உருளைக்கிழங்கை சேர்த்து நன்கு கிளறிவிட்டு இறக்க வேண்டும்.
• பின் புடலங்காயை கழுவி, வட்டமாக சிறு சிறு துண்டுகளாக நறுக்கி விதையை நீக்கவும். உப்பு கலந்த கொதிக்கும் நீரில் 5 நிமிடம் போட்டு எடுக்கவும்.
• அதனுள் உருளைக்கிழங்கு மசாலாவை வைத்து, கடலை மாவுடன் மற்ற பொருட்களை ஒன்றாக சேர்த்து கலந்து கொள்ளவும். அடுத்து, மிதமான தீயில் எண்ணையைக் காய வைத்து, புடலங்காய் துண்டுகளை மாவில் போட்டெடுத்து, எண்ணெயில் பொரித்து எடுக்க வேண்டும். அவ்வளவுதான் சுவையான புடலங்காய் பஜ்ஜி ரெடி.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)