MS Dhoni With Robot Dog: ரோபோ நாயுடன் சேட்டை செய்த தோனி.. வீடியோ வைரல்..!
லக்னோவிற்கு எதிரான போட்டிக்கு முன், சிஎஸ்கே கேப்டன் எம்எஸ் தோனி ரோபோ நாயுடன் ஜாலியாக விளையாடி, போட்டி முடிந்த பிறகு, அதனை தூக்கி சென்ற வீடியோ காட்சிகள் இணையத்தில் வைரலாகி வருகிறது.
ஏப்ரல் 15, லக்னோ (Sports News): 2025 ஐபிஎல் தொடரில் நேற்று நடைபெற்ற 30வது லீக் போட்டியில் லக்னோ சூப்பர் ஜெயண்ட்ஸ் - சென்னை சூப்பர் கிங்ஸ் (LSG Vs CSK) அணிகள் மோதின. இதில், சிஎஸ்கே 5 விக்கெட் வித்தியாசத்தில் வெற்றி பெற்றது. இப்போட்டி தொடங்குவதற்கு முன்பு, சிஎஸ்கே கேப்டனாக உள்ள தோனி (MS Dhoni) மைதானத்தில் நடந்து சென்றார். அப்போது, குறுக்கே வந்த 'ரோபோ நாயை' (Robot Dog) நகைச்சுவையாக தூக்கி கீழே கவிழ்த்தி வைக்க, அது நகர முடியாத நிலைமைக்கு தள்ளப்பட்டது. இதே போன்று, ஆட்டம் முடிந்த பிறகு, அந்த ரோபோ நாயை தோனி கையில் தூக்கி சென்ற வீடியோ காட்சிகள் இணையத்தில் வைரலாகி வருகிறது. இதனை தோனி ரசிகர்கள் மகிழ்ச்சியுடன் வைரலாக்கி வருகின்றனர். LSG Vs CSK: தோல்வியில் இருந்து மீளுமா சென்னை? இன்று லக்னோ அணியுடன் மோதல்.! புள்ளிப்பட்டியலில் எத்தனையாவது இடம் தெரியுமா?