Thirumurai Thiruvizha: சென்னையில் முதல்முறை.. மீனாட்சி சொக்கநாதர் திருக்கல்யாணத்தை நேரில் கண்டு ரசித்த மத்திய பாதுகாப்புத்துறை அமைச்சர் ராஜ்நாத் சிங்.!

டிசம்பர் 16, சென்னை (Chennai): அகில இந்திய முதலியார் பிள்ளைமார் சங்கம் சார்பில் (International Mudhaliyar Pillaimar Association IMPA), சென்னையில் உள்ள நீலாங்கரை ஆர்.கே கன்வென்ஷன் சென்டரில், டிசம்பர் 16ம் தேதியான இன்று, முதல் முறையாக மீனாட்சி சுந்தரேஸ்வரனின் திருமண நிகழ்வான திருமுறை திருவிழா நடத்தப்பட்டது. இந்த நிகழ்வில் திருமுறை இசை, திருக்கல்யாணம், நாதஸ்வர இசை, பட்டிமன்றம் ஆகியவையும் நடைபெற ஏற்பாடுகள் செய்யப்பட்டு இருந்தன. இந்நிகழ்ச்சியில் சிறப்பு விருந்தினராக மத்திய பாதுகாப்புத்துறை அமைச்சர் ராஜ்நாத் சிங்குடன் (Rajnath Singh), திருவாடுதுறை ஆதீனம், தர்மபுரம் ஆதீனம், மதுரை ஆதீனம், குன்றக்குடி ஆதீனம், பேரூர் ஆதீனம் உட்பட 10 ஆதீனங்களும் கலந்துகொண்டனர். இன்று காலை 8 மணிமுதல் நிகழ்ச்சிகள் தொடங்கி நடைபெற்று வருகிறது. 10 ஆயிரம் பக்தர்கள் கலந்துகொள்ளும் வகையில் ஏற்பாடுகள் செய்யப்பட்டுள்ள நிகழ்வில், அவர்களின் வசதிக்காக திருவான்மியூரில் இருந்து நீலாங்கரை செல்ல சிறப்பு பேருந்துகளும் இயக்கப்பட்டு இருக்கின்றன. Nagpur Mumbai Road Accident: கார் - டிரக் மோதி பயங்கர விபத்து: அப்பளம் போல நொறுங்கிய கார்., 6 பேர் பரிதாப பலி.!